المشاركة الأصلية كتبت بواسطة العـ/الفريد/ـقد
يخف إذا أخذتي راتبه ؟؟؟
أظنه بيذبحك
إلحقي عمرك وحياتك
وبعدين وش يعلق وما يعلق وش شايفه نفسك عنده؟؟؟
عيوني قبل ما تمشين أثبتي عليه حالة إدمانه
كفخيه عاااادي وخلي الإسعاف يجي ويشيله وقولي بغى يعتدي علي وضربته وهناك اطلبي تحليل دم وانك تشكين انه يتعاطى شي وخذي التقرير وعلى المحكمة على طوووووووول
أما ترخصين عمرك وتتعبين نفسيتك في واحد ما فيه طب وبعد يبي يشربكك عشان تكمل المسرحية وساعتها مثل ما قال رجل الرجال زواج وستار و زوجته قدام الناس معه وشقه يتعاطى فيها ووحده قايمه على طلباته وتغسل وتنظف وتشيل وتحط
>>> والله عايش في عز
أختي انتي حرمه وضعيفه خلي أهله يتولونه ويعالجونه إذا تبين حياة صحيحة أمام نفسك وامام الناس
أما سكوتك هذا فانتي تضيعينه وتضيعين نفسك معاه
وتخيلي أخذ جرعة زايدة ومااااات >>>> والله ياشماتة الناس فيك ويقولون عايشه مع مدمن عااادي عندها
وأول من ينقلب عليك اهله وكيف ساكته وما تعلمينهم يلحقون ولدهم إذا كانوا ملتزمين صدق ويخافون الله
وبعدين انتبهي ترى عندهم حالة عدوانية فلا تثيرين شكوكه
وتقعدين تقوليله بعلم وبفعل وبسوي >>> ترى عادي يدخلك في الشبكة وتروحين فيها
خليك حويطه وشغلك يبيله تركيز إذا تبين تنقذينه وتكونين سبب بعد الله في هدايته
أما إذا حسيتي نفسك عجزانه وأهله عجزوا فيه سوي اللي قلتلك وخليه يدخل المستشفى والباقي تعرفينه
لا حول ولا قوة إلا بالله
والأخت صرخة حب نفس حالتك ومدري وين بيوصلونكم
تدارون فيهم على حساب علاقتكم بربكم ... الله يقول حرام وانتم تدارون فيهم
الله يعافيكم من اللي انتم فيه ويفرجها عليكم ويرحم حالكم
والله تقطعون القلب ... الحريم ضعيفات ويدورن الستر ومسكينات إذا طاحوا في عالم ما ترحم
|