ما بعرف شو بدي اعمل لكن غير القران احكيلي شغلات اعملها يعني نفسي اطنش واعيش حياتي مش عارفة.........احكيلي شغلات اعملها بغرفتي انبسط فيها......



بسم الله ابدا

رح نبدا من عند الماما ومن ثم لغرفتك


امك وابوكي

اشتري كريم للرجلين ووقت تلاقيها جالسه

اجلسي على الارض (الجنه تحت اقدام الامهااات ) واحضري الكريم

واعملي لها مسااج من الركب ونزول

واذا رفضت او والله لا سمح الله عملت حركه انو ما بدهااا

ما تزعلي وتبكي وتروحي غرفتك وتقولي ما بيحبوني وبيكرهوني ترا ابليس ناطر يعمل فيكي هيك



تعلمت من والدي ما سأكتبه حاليا


وقت لا سمح الله تعمل حركة الرفض

قبلي ركبة امك ورجليها (هكذا كان يفعل والدي مع والدته رحمها الله لترضى عنه وتبقى عندنا بالبيت)


قبليها وقولي امي رضاااكي والجنه

ما تقولي انو تنازل او زلال بالعكس هذا اسمه رفعه وقدر عند رب العالمين الله يرفع قدرنا جميعا


ووالدك وقت يوصل فورا احضري له الشبشب واغمري عند الاستقبال وكأن لك سنه ما شفتيه

ووقت يجلس احضري الكريم ونفس الشي او مساج على الاكتاف وعند الجبين وعلى الجنب قرب العيون

ومن ثم ادخلي غرفتك الغرفه تقدري تشتري شغل كونفه بتعرفيها هيدي يلي عليها رسمه وانتي بالابره حبه حبه تخيطيها

او اذا تحبي ترسمي او تخططي اشتري الادوااات


هناك قطع كونفه للمساند تشترى مع الصوف والابره الكبيره اتبعي التعليمات بالورقه ومن ثم تاخذ ايدك على الشغل

تعملي اجمل المساند لغرفتك ولاخوتك ايضا وكل ما وضعتي الابره سبحي لله سبحانه وتعالى

ممكن تحضري ىيات قرآنيه مرسومع على الكونفه وتخيطيها تطلع تجنن

اذا تحبي الخياطه او التطريز

انا كنت اشتغل صوف بلوزه ساده ومن ثم احضر رسمه وانظر للكتاب واطبق التطريز بشغل الصوف ووقت كنت اعمل هيك ما كنت اعرف افهم انكليزي ولكن احضر القاموس وافسر

وعملت للاولاد اجمل القطع والرسماات

مثلا لابني سياره واسمه فوقها وتاريخ ميلادو

لابنتي حبة بوظه وشوكولا واسمها فوق وتاريخ الميلاد


يعني ما تلاقي ايدي فاضيه ابدااااااااا

انا مثلا عملت غطا لابنتي كبير للسرير ومازال موجود اذا اقدر اصورو واضع صورته

عملتو قطعه قطعه وجمعتهم اخذ وقت ولكن طلع شي مرتب وصار عمرو عشرين سنه


اول شي ابدي بقطع صغيره لحين تاخذ ايدك

ومن ثم وقت الاستراحه بالروضه نفس الكلام وانتو تتكلمو اشتغلي


يدي كانت لا تهدا ابداااااا هاتي تشوف شو بتحبي تطبقي الكونفه او شغل الصوف تعملي غطاااا للسرير كبير نحنا نقول له حرااام بضم الحا والميم انتو شو تقولو له بلهجتكم

تذكرت فيكي تشتغلي اشياء للصالون بخيوط رفيعه وسناره واحده فقط السوريين مشهورين فيها

وانتي تعملي كل هذا اشغلي عقلك بالتسبيح

__________________
http://live.gph.gov.sa/
اللهم اني استودعك اولادي