لاحول ولاقوة إلابالله ,, الله اعلم انه ابتلاء من رب العالمين ..
مدري من وين ابدأ أستغفر الله العظيم ,مقهورة مرفوع ضغطي من الي بالبيت
كل شي اهضمه ‘إلا النفاق بالدين (بماانكم ماتعرفون شخصياً وإن شاءالله مايكون فيه رياء وسمعة
أنا الحمدلله احفظ حالياً مسجلة بدورة تجويد وحفظ قرآن وبنفس الوقت ماسكة الجولات الدعوية بمكتب الدعوة
متعاونة ,طبعاً ماحد يعلم بالشي غير أمي وخواتي الشقيقات ),
أمس عرفت أختي من أبوي أني اروح للمكتب ,المهم قامت وقالت:لاخواتها لازم تروحون معها ,من دون أحد يسألني ولا أصلاً
يشاورني انصدمت اليوم الصباح وأنا طالعة مع أخوي أركبن معي من دون ولا كلمة احسبهم طالعين مشوار ولا تعجبت انهن انزلن معي ويمشن وراي واحضرن درس القرآن وهن مالهن حق مو مسجلين وكنت متفشلة وشلون يدخلن كذا !!
تمنيت حتى لو يكلمني على شان بس اقول لاستاذة تراهن خواتي لكن للاسف يعملن انفسهن مايعرفني ويسولفن مع البنات كإنهن مايعرفني
المهم عديت لهن إلا يوم خلصنا كان فيه اجتماع للمتعاونات ولا جيت ماشاءالله الشيخات جالسات قبلي ,احترت وانحرجت ناديت على صديقتي الي ماسكة الاجتماع قلت :لاتجبين طاري لي إني معاكم واضطريت اقولها على شان خواتي .
رجعت للبيت مدري وش افسر موقفهن وغيرتهن الي وصلت للنفاق ’فترة كانت وحدة منهن تقلدني بكل شي ورحت للحلقة ومااعجبها الوضع كان ابوي غصب لازم تروحين مع فلانة الي هو أنا ,وبعدين يوم طفشت تركت ورجعت الحين
أنا مدري ليش يعملن هالحركات الي مالها داعي ,إذا الواحد مو مقنع بالشي ليش يقلد !!!
ماانسى والدي العزيز ,اتوقع ماارتاح إلا يوم حط برج مراقبة معي بكل شي ..
توني رجعت ,,مدري لمين احكي واشكي خواتي الغيورات,,الي مدري لحد أين توصل غيرتهن ..
أنا لو اعرف لو انهن صادقات ويقمن بالشي من قناعة والله ماعندي مشكلة ,بس اعرف انهن غيورات ومتسلطات وعمرهن مايتمنن لنا الخير ,,حسبي الله ونعم الوكيل ..

__________________
ما نال أحدٌ من الفضلِ في مالٍ أو جاهٍ أو علمٍ شيئًا بكسب يده، لكن الأمر كله لله، يُقدّم من يشاء بفضله، ويؤخّر من يشاء بعدله.