ياعم لو كان إقناع نفسي بكل هالسهولة كان ما تعبت ..!
( راجع قناعتاتي فقرة 2 / قلت فيها إن كل شخص وخاصة الإناث الي عندهم غير قناعاتي هذولا خضعوا لتنشئة
غير تنشئتي أو يخدعوا انفسهم ..)
التمرين سهل ومقدور عليه مع ان خمس ركعات كثيرة ..
أمي كانت تقول صلي ركعة وحده بس عشان تقنعني فكنت اصليها ولازلت / لا تقول قليلة ترى اجاهد نفسي عليها بعد ..
الخضوع لله هذا ماعليه خلاف الحمدلله ..
أنا سلوكي قهري / مادري ليش اعجز عن نفسي ..؟!
مثال / ام زوجي ما شفت منها إساءه ابدا / لكن مو قادرة اقول عنها طيوبة و بحالها / لييش ؟!
لأن عندي قناعة كبيرة انها ممكن تسئ لي من وراي ..
عجزت اتقبلها أو اتودد لها / احيانا احس اكرها ...!
قبل زواجي كنت رافضة الزواج نهائياً أمي حاولت وحاولت لكن عجزت معي
اقنعني ابوي بكلمة وحده بس ؟ قال ترى الخاطب سهل جداً تسيطري عليه و تقودينه مثل ما تبغين ..
حسته تحدي و فرض قوة وسيطرة ..
أنت في ردوك السابقة / لما انا سألت امي وش اخذت من الطاعة الطيبة ؟
أنت جاوبت وقلت / اخذت كل نقص وظلم من الناس / والأجر من الله والرفعة في الجنة ..
هالعبارة وقفت عندها كثييييييير / كتبتها بشاشة جوالي / عشان اشوفها كل وقت و اقتنع فيها
ما انكر لها تأثيير / لكن مؤقت بوقتها بس ..
من انحط بموقف أو تصادم بيني وبين زوجي أو يرفض لي طلب / اشعر انها مالها القوة الكافيه
لإرضائي أو ازاحة افكاري وقت الموقف ..
الأنجاب / ما ابغى اطفال من جد / أشعر اني ماراح استفيد منهم ..؟!
كله بذل وتعب وعطاء بدون مقابل محسوس ..
اكيد تستغرب من افكاري لكن من جد و الله ..!
أدري ان الله عالم باللي يناسبني لكن انا عجزت اتقبل / مو بيدي غصب ..
وقت اشوف اخواني اقول وش معنى انا ماصرت مثلهم ؟! وش الحكمة مني انا ؟! يعني بفيد احد لو كنت بنت ..!
وقت الدورة ( اكرمك الله ) كنت اتعب امي لما اتعب من الآمها ؟ واقول لها ليش انا طيب ..
يعني بس انا اللي لازم اتعذب / احس اني مظلوووووووووومة والله ..
إحساس حقيقي حقيقي ..!
ماحس بحميمة ولا مشاعر جميلة مع زوجي ..
خاصة ان زوجي بارد في كل شيء / وانا عكسه تماما ..
اتمنى وضحت الصورة ياعم ...