الله يسمع منكم
اما بالنسبه لليه الغرور
اكيد طلعنا وتمشينا بس انه ما كانت متجاوبه ابدا وانا ما اصريت احتراما لرغبتها بس بالفتره الاخيره بديت امل
لدرجة اني استشرت ناس كثير
قالوا مافيه الا حلين يا طلاق يا الثانيه
وشفت هالمنتدى صدفه وسجلت فيه وطرحت مشكلتي مع اني كنت يأأأأس
اما من ناحية الحزم والشده لو شديت بتعاند اكثر وهي من النوعيه انسى تعطيك شي غصب او بصيغة امر يا بالاحترام يا انسى ومشكلتها مو مستوعبه اش يعني طلاق
لانها اصلن مو عايشه حياه طبيعيه معي فكيف تفهم وشو الطلاق ووش اللي يترتب عليه
وتشوفه شي تافه لابعد الحدود لانه في مفهومها ان الناس هم اللي مكبرين سالفة الطلاق ولا هي شي عادي اثنين وانفصلو وطبيعي ومن ناحية البنت خلاص خالتها صايره ام بالنسبه لها وما تقول لها الا ماما يعني صعبه شوي
واذا كنت انا نذل ورحت اخذت الثانيه وتركت ذي لمجرد التربيه اظن قويه بحق انسانه ضحت عشان بنت اختها اللي هي بنتي
ما اخفيكم اللي اعطوني راي بالطلاق او الثانيه انا فضلت الطلاق وبعدها الثانيه ليش لاني ما ابيها تكون مجرد مربيه يا اني احسن معها يا اتركها تشوف حياتها مع اني متأكد ما كان قدرت اقدم على هالخطوه واطلق
ممكن يكون حل في لحظة يأس بس صعب تنفيذه