معليش على التاخير انشغلت شوي
اللي يسال عن عمر البنت 4 سنوات و6 شهور
وااللي يسال عن اللبس بناطيل وبلايز لفوق الركبه بشوي والشعر وهالكلام هي اصلا عندها حب زايد للكشخه وتهتم بشكلها وبشكل البنت وحتى لما ننزل السوق وين وين يعجبها شي ومن ناحية لفت النظر فهي من جد لافته نظري وبقوه والمشكله مطنشه ولا ما طقت كبدي وطرحت المشكله
يوم الاربعاء طلعنا نمشي وسولفنا عادي وعلى فكره انتقلت للمجلس مع اني حاولت فيها بغرفة النوم بس ابدا رافضه
المشكله اللحين ببنتي تنام واذا صحت بالليل وما لقت خالتها جنبها راحت تدورها وتنام معها ووكنك يا ابو زيد ما غزيت
ويوم الخميس بالظهر اقول للبنت عيب يا بابا خلاص انتي كبيره تنامين وحدك وما تخافين واذا تبين اشتري لك العاب واللي تبين نامي وحدك وخليك شاطره قالت ماما تبعاني بعدين تبكي وتحاف وياكلها الحرامي وهي العكس هي اللي خايفه واححاول بالبنت بغيت اسطرها وبالاخير تقول ما احبك بعدين ماما تبكي ياهو يمين شمال قالت انت ما ماما يعني بالعربي وش حارق رزك امي ما تكلمت تجي انت لقط وجهي حتى البنت لسانها اطول منها
طلعنا بعدها طلعت انا واخوياي طلعت عوايل ورجعنا البيت ورحت لها المجلس قلت لها ممكن نسولف شوي قالت ايه سولفنا عن الطلعه ووش صار وش ما صار وبعدها رحت نمت ويوم الجمعه رحت اشتريت لها هديه كانت عطر غلفته وححطيته بعلبه حمرا وقلب كبير وساعه كمان غلفتها واعطيتها قبل ما تنام ولا يفوتكم انحرجت وليه كلفت على نفسك قلت ابد ما به كلافه تستاهلين يالغاليه ويعنيني غلط ورحت وانا طالع قلت ان شاء الله تعجبك يا روحي طالعت فيه باستغرااااب
رحت الغرفه وارسل لها مسج واثنين وثلاثه وعلى الرابع صكيتها نومه
ويوم السبت عادي طلعنا جلسنا بر العصريه وسالتها عسى الهديه عجبتها قالت ايه شكرا ما كان فيه داعي تكلف على نفسك
قلت لا لا لاعاد اسمع هالكلام اذا ما شريت لحبيبتي لمن اشتري تروا حشرتها بزاويه عرفت وش يحرجها ويهجدها اذا قلت حبيبتي ولا من هالكلام ينربط لسانها ودها تصفقني بس ما باليد حيله تنحرج وتسكت
ومن هالحركات بس مع ذالك في تهرب واااااضح
بس هذا تقرير الايام اللي غبت فيها عنكم وشكل دعواتكم جابت نتيجه
واسال الله ان يفرج هم كل من دعا لي