هلا والله وغلا بين أخواتك
حبيبتي بما انك اليوم تطلقتي أسال الله في هذه الليله الفضيله ان يأجرك في مصيبتك ويخلف لكي خيرا منها
اسمعيني زيييين وطبقي الي اقوله لك >>بماأني خبره
انصحك لاتفتحين مجاال لاي أحد يعرف اسباب طلاقك خليك انسانه غامضه اذا احد سالك ليش تطلقتي قولي مافي نصيب وبس وحتسبي هذا الكلام عند ربك انك ماتبغين تتكلمين فيه عشان ربي يعوضك بالي احسن منه ولاتنسين قوله تعالى( ولاتنسوا الفضل بينكم )
كل شي بعد طلاقك يعتمد عليك إيااااك والانكسسار قوي ثقتك بنفسك قد ماتقدرين البسي اضحكي اخرجي لااحد يعرف عن حزنك الا ربك ووقت نزول ربك بالثلث الاخير أفرشي سجادتك واسجدي واشكيله وابكي لين ترتاحين لانه محد راح يلطف بك غيره إيااك والشكوى للناس لانهم ضعفاء مثلك ولا يقدرون يغيرون حالك
انتببهي يالغاليه لا تجلسين على امل عودته انسي كل شي يذكرك فيه لاجاء في بالك تذكري مساوئه واحمدي الله ان اختارلك الخير
اخيرا عليك بسهاااام الليل وإلزمي الاستغفار ولاضاق صدرك افتحي مصحفك واقري وتشوفين وشلون تبعد عنك الضيقه
واكثري من قول اللهم أجرني في مصيبتي واخلف لي خيرا منها