شكرا يابابا لك ولكل المتابعين ...
ماما قالت خلاص سوي زي ماتحبي ، بس لو تعبتي تحملي نفسك مالي شغل فيك ، وخلي مستشارك ينفعك ، لاتزعل يابابا ..

الكتابة وقفتها لأني تعبت وحاسه اني مزحومة كثير ومو قادرة اركز على شي محدد ..
ابغي اوقف شوي عشان ارتاح واركز ، رحت بيتنا لأني ماراح ارتاح إلا بغرفتي ، حسيت اني من زمااان مادخلتها
مادري ليش ! رجعت لها بعد معاناه و تعب ..
حاولت انام بس ماقدرت تذكرت اول مره ماما طلعتني منها غصب عني واشياء كثيرة تذكرتها ، وكأنها رحلة طووويلة ماما غصبتني عليها ورجعت منها ..حتى ملابسي غيرتها ولبست القديمة ، تمنيت انسى كل شيء صار ..
واغير كل شي بس فيه حاجة ماقدر اغيرها و تذكرني اني مغصوبة وصارت بدون رضاي وهي بطني اكره اشوفها
اكره نفسي كثيير بسببها ..
ما ابغى اقابل احد ولا اتكلم مع احد ، و لا ارجع لأحمد ، و لا اسوي شيء كنت اسويه برغبة ماما مو رغبتي انا ..
بس ما حد فاهمني ابدا ..
ماما الا بترجعني ، و سحر تقول ليش يافجورة ما تبغي بيتك ؟ احمد يسويلك شي و ما تبغي تقولي ؟ انتي خائفة اروح معك ..
و امل تقول ياماما اضربي فجر و خليها تروح غصب عليها لأنها قاعدة تتدلع و بتفضحنا والناس يقولوا بنتها مريضة نفسيا.
انا اكره امل اكررها ..
حتى جده تقول لماما كيف تخلي البزره فجر تمشي كلامها عليك ، بنتك بتشمت الناس فيك و تجلس عندك ...
ماما وبابا كل يوم وهم يصارخوا على بعض ماما تقول لبابا بترجع و بابا يقول مو بكيفك ترجعينها ..
أنا يا بابا ماهم حاسبين لي اي حساب ولا كأني صاحبة الموضوع ..
ولا شيء انا عندهم كل واحد بيمشيني زي ما يبغى ....