السلام عليكم ورحمة الله وبركاته

-الطيره ممكن خوف او تشاؤوم من الشخص اللي امامي مثلا وحده من قريباتي نكون نتكلم بموضوع نتطرق فيه لمدح في شي معين بدون ما تذكر الله تكرر الجمله اكثر من مره انتِ مبدعه في هذا الشي فأقولها ايه ماشاء الله فتقول ماشاء الله بس انا عيني مو حاره عادي لاتخافين او احيانا تقولها مكرهه تقول اخاف يصيرلك شي تشكين فيني...او تمدح وحده وواضح بقوه انها حاسدتها(وهي معروفه ان عينها حاره )فبوسط الكلام اقول ايه ماشاء الله فما احسها تتحمس وتقولها واقول اكيد تتكلم من وراي بنفس الطريقه ولا تذكر الله (يوصل لي كلام انها تتكلم عني بشي معين فلما اشوفها اخاف منها)
-احلامي مشكلتي الكبيره..بعض الاحلام صح اخاف منها واجلس فتره افكر فيها بس بنفس اللحظه اللي اصحى فيها خايفه اغير جهتي (بالرغم اني احيانا اكون ع الجهه اليمنى لما اصحى واجلس افكر كيف ارجع ع نفس الجهه اليمين ولا الشمال ) وانفث بس مو بيدي اني ما افكر وبعضها ما افكر فيهاوانساها بس لما تصير اتذكرها..مثلابشهر 8 تقريبا حلمت بقريبتي انها لابسه اسود وفيه فوشي كان الاحد والاربعاء حلمت ببنتها وصحيت وانا ناسيه كل شي وع الظهر اتذكرت الحلم واتبسمت وقلت غريبه وش جابهم ع بالي هالاسبوع مره هي مره امها وانا زمان عنهم وبعد المغرب سمعت بوفاة الاب فتفاجأت وعرفت ان الحلم تفسير ان قريبتي يموت زوجها وهي توها صغيره ...ووفاة ابوي الله يرحمه ماقلت لأحد وقلت يمكن هالحلم جاني لاني كنت افكر بمرضه وبأقل من اسبوعين الحلم اللي حلمته مرتين صارواشياء كثيره بعضها ممكن صح افكر فيها وبعضهالا انساها ولما تصير اشياء قريبه جدا من الحلم اتذكراني قد شفت هالاشياء
-بنتي ماشاء الله ما الاحظ شي عليها لما احصنها الا انها تتثاوب احيانا ودموعها تنزل بس مو كثير وان شاء الله بدهنها بالزيت
-يمكن انا صح عصبيه شوي بس بالمشكله الاخيره حاولت قد ما اقدر امسك نفسي لاني كنت اقول لنفسي يمكن هالشيطان بيزيدها بينكم ورحت غرفتي وشغلت القران وكنت ابكي قلت بهدأ شوي واطلع وهو اللي لحقني واستفزني اكثرولما ضرب كان متوضي للصلاه المفروض يكون هادي شوي وحتى لما ضرب ماقاومت لأني كنت جدا متفاجأه بس بعدها قاومت وضرب يقولي طلعي الجوال يحسب اني اخذته طلع اخر شي ناسيه بالسياره هو كمان كان جدا معصب ومو قادر يمسك اعصابه لدرجه انه فكر جديا بالطلاق يقول ثلاث مرات افكر ارجع اطلقك رغم ان كل سنواتنا اللي فاتت كنت اطلبه منه ومو راضي ومتمسك بعلاقتنا وبأطفالنا كثيروكنت انحرج منه لما يقول لو اخليك ع كيفك زمان فرتينا عن اطفالنا
اما بالايام العاديه اللي بدون مشاكل ..ماشاء الله علاقتنا جدا قويه وما ابغى ابالغ اذا قلت احيانا كثيره احس اني اسعد زوجه معاه وكل يوم احس اني عروس معاه بس تصير اشياء تافهه جدا يقدر الواحد يتجاوزها تكبر وتكبر ويصير انفجار
_انا سألت الوالده الله يحفظها اقدر ابخر بوجود العنقز قالت لا لاتبخري ولا تتعطروا لانه يأثر كثير عليه
-احيانا احس الاصوات تزيدواحيانا تكون خفيفه اليوم كذا مره صحيت من النوم بسبب الطقطقه اللي بالسقف وخاصه بالجهه اللي فوق الدولاب وكمان غرفة بنتي لسا فيها الاصوات ..والفجعه بالنوم كمان تصير لي ما ادري لها علاقه بشي يعني اكون توي نايمه ثواني اصحى مفزوعه احس اني طحت من مكان عالي ومره كذا اتفزّع بدون سبب خاصه اليوم وكنت نايمه والرقيه شغاله واحس نوم بنتي جدا متعب ما احسها تنام نوم متواصل براحه للي بمثل عمرهاوشكل اخوهانفس الشي نومهم خفيف ومو متواصل الا اذا جلسوا فتره طويله جدا مواصلين
-امس ع المغرب حلمت بعقارب ووزغات ( وانت بكرامه)
-صحتي..ما ادري هالفتره احس بكسل مو طبيعي ولسا اكتافي فيها ألم يخف ويرجع اكثر شي وقت الشغل غير الم الرجول والتنفس شوي صعب حتى لو اشتغل شغل بسيط جدا فكرت انها ممكن عوارض حمل فأبغى اتأكد ان شاء الله قريب
-