أختي أنا أعرف سفن سيز اللي علبة مدورة بيضاء وغطاها أحمر
إذا هي ترى مكتوب عليها مرة وحده في اليوم
وبالنسبة لزيادة الوزن تعااالي اقولك عندي العلم الأكيد
حبوب زيت كبد الحوت تزيد الوزن..
وفيه شغلة ثانية طبيعية 100%
وهي كالتالي:
حلبة
شمر
يانسون
نانخه
كراويه
كمون
حبة سوداء
____________
تكون صحيحة بدون طحن
وتاخذي ربع ملعقة منها كلها ماعدا الحبة السوداء أقل شوي
اغسليها وانقعيها في كوب ماء مغلي وغطي الكوب لمدة 10-15 دقيقة
وحليها بالسكر وإذا عندك عسل أصلي يكون أفضل
وأشربي كوبين كل يوم ولمدة شهر
طبعاً هي مغذية جداً ومليانه كثير فوائد يحتاجها الجسم من فيتامينات وكالسيوم
ومالها ريحة قوية أبداً إلا إذا ركزتي المحتويات.. لأن الشمر يقضي على ريحة الحلبة..
__________________
استخداماتها بالنسبة لي: استخدمتها وقت النفاس وقت الرضاعة وطبعاً زدت خلال شهر 10 كيلو بس مازال وزني طبيعي ومع ذلك نحفت ونزلتهن.. مع العلم ان طولي يساعدني بس الرشاقه وخفة الحركة مافي زيها.
-عندي اثنين من عيالي ضروسهم الأخيرة مو راضيه تتطلع فقال الطبيب لازم تدخل جراحي لأن لثتهم شديدة
طبعاً بعد اسبوعين من الإستخدام طلعت ضروسهم طبيعي والحمد لله.
-وعندي ولدي الله يصلحه في عمر ولدك تقريباً وبهذلني بالإمساك وانت بكرامة وما كان له حل إلا اللي كتبته أعلاه
بعد ما نصحتني الدكتوره بالحلبة لأنها ملينه ورحت كملت له الوصفه وصار وزنه ما شاء الله بس المشكله مقدر استمر عليها أكثر من شهر لذلك أقطعها فتره وأرجع أنقعها ليه .. لأن مشكلة الإمساك للأسف مستمره والإستمرار فترة طويله على الحلبه كمان مو طيب..
-أخوي كان عصلووووك درجة أولى .. كان يشربها وفي أقل من شهر صاااار وزنه مثااالي ما شاء الله
عموماً هي مفيدة جداً وتخلي الجسم ياخذ اللي يحتاجه من الفيتامينات ... وبعدها يبدأ الفايض من الفيتامينات يفتح الشهية ويزود الوزن مع كثرة الأكل.. يعني تقريباً نفس عمل الفيتامينات اللي ذكرتيها
ولكن الكبسولات أو الحبوب خطيرة على الكبد وما يصلح تطولين عليها أكثر من شهرين إلى ثلاثة أشهر
هذا إذا كان عندك نقص كبير.. وماراح تكتشفين هالنقص إلا بالتحاليل اللازمة..
واحتفظي بهالوصفة في جهازك انت وأي أخت تعدي على هالصفحة وصدقوني ان قلت لكم راح تحتاجونها كثيييييير
أقل شي وقت الدورة بس أهم شي قبل نهاية الدورة بثلاثة أيام يستثنى منها الحلبة لأنها تزود افرازات المهبل وللمتزوجات مش كويسه هالزيادة أما البنوتات عاادي وما يضر وأظن فهمتي قصدي
وممكن استخدامها بدون حلبة وهذا اللي أفضله وقت الدورة والجميع بكرامه..
وهالطريقة حصلت عليها من النت قبل عدة سنوات والله يجزاها خير اللي كتبتها بالذات هاليومين أدعيلها من قلب بعد ما شفت ولدي ارتاح عليها..
و إلى اللقـــــــــــاء