بس انا ماودي اتطلق
حرام والله حرام
انا ماغلطت بشيء
ليش اتطلق ياناس وش ذنبي اصير مطلقة اخ خ بس
انا قلت اعطي نفسي واعطيه فرصة
اتزوج اجرب واشوف بعد الزواج يمكن فاهمته غلط ؟ ولا يمكن هو يتعدل؟
طبعا مع الحرص على عدم الحمل
اذا زانت الامور ولا تطلقت
لاني بالحالتين بكون مطلقة سواء قبل الدخول او بعده
ع الاقل بعد الدخول ما الوم نفسي واقول لو عطيته فرصة وكذا
هذا شيء
الشيء الثاني انا مو صغيره انا في نهاية العشرينات
وكنت ارفض كثيررررر لان عندي مواصفات معينة للرجال اللي برتبط فيه
وكنت ما اتقبل المدخن او او اللي شهادته اقل او .. او..
وبعض الاحيان يكون الرجل يجمع كل الصفات ويكون مدخن فارفض
ويعض الخطبات يكون فيها عدم توفيق وافكها
ومرت السنين والعمر يمشي
وهذا الرجل جمع متوسط المواصفات التي اريدها
لكني صدمت ان كلللللل شيء يهون امام العقلية والبخل
كل شيء
التدخين , الشهادة , المادة , الشكل , كلللل شيء
والله اني كنت سطحية وفوت على نفسي فرص كثيرررررة
والان لو تطلقت وش انتظر ؟
بصير مطلقة في نهاية العشرينيات ؟؟؟ وغير كذا هل بضمن اني ما اطيح بنفس المطب؟؟
خصوصاً مع عقلية اهلي اللي ترفض المكالمات قبل العقد ؟
صار عندي ردة فعل قوية
احياناً اقول في نفسي ابتطلق واتعرف على شخص تفكيري ينسجم مع تفكيرة ثم نتزوج
وان التحفظ مافادني بشيء , هذاني توهقت بها الزواجه بينما اللي كانوا اكثر انفتاح مني وتزوجوا عن طريق علاقات مبسوطين ومرتاحين
اخ بس
انا ودي الرجال يجاوبوني
اذا انت خاطب وحده حلوة وقعدت شهر كامل تكلمها عمرك ما اطريت شكلها ابددددددددد ولا لبسها ولا ذكرت يوم تشوفها وش معناته ؟
هل معناه ان هالشخص بارد ؟ او انه متعدد العلاقات ؟؟
احتمال انه خجول مستحيييييل
وليش الى الان ماقد قالي كلام عاطفي ؟ ليش ماعمره قال حياتي او عمري او . او..
ليش ما احس بنبره صوته اي حنان او عاطفة ؟ ليش يكلمني كنه يكلم واحد من التماسيح حقينه
هل هالشيء طبيعي ؟ اذا لأ ؟ وش تفسيره
الشيء الثاني
وش رايكم في حركه انه ماجاب لي هدية ولا قد ارسلي شحن وهو يعرف ان جوالي كروت , وسيارته كوريلا لكن موديل 2012 , وماجاب لامي طقم بالشبكة مع انه عرفنا يجيب للام طقم
ايضاً الساعة اللي كانت مع الشبكة كانت متواضعه
وكل شوي وحنا نسولف يطري الفلوس , يعني لما تكلمنا بشهر العسل قال ما ابيه بالعطلة عشان الاسعار ترتفع
هل هذا معناه انه بخيل ؟
وكيف اكتشف انه بخيل فعلا ً
لان هذي الصفة اللي مستحيييييييييييل استحملها
وهي اللي بترجح قرار الطلاق