اقتباس:
المشاركة الأصلية كتبت بواسطة meat man
باختصار بعض الناس هذه طبيعتهم، لايعني انهم مو حنونين ولا يعني انه لازم يمدح، الناس شخصيات مختلفة، لكن ماتدرين يمكن هالشخص لايفوت، ويمكن تنكشف شخصيته الحلوة مع الأيام، وترى لايعني أنه متعدد العلاقات يمكن يصير لأنه مايفهم بأمور العلاقات مايدري وش يقولك، الشي الثاني هل تلاحظين أنه خبيث وملكع ولا لا ؟ ولا على نياته؟ ولا يسوي نفسه أنه الفاهم وانه مافيه شي يمر عليه ألا عارف تفاصيله.
سؤالي هل هو راعي سفرات مع شباب للخارج ؟
|
اولأ اعتذر منكم شخص شخص على اسلوبي بالكلام
وارجو انكم تقدرون الحالة النفسية اللي انا فيها
بإختصار انا غير متوازنة حالياً ولا تلوموني ترى الزواج مسألة حساسة جداً بالنسبة للبنت
والله اني اعيش اصعب ايام حياتي .. احس اني بنيت قصور على رمال
حتى دراستي للاسف قصرت فيها بسبب هالموضوع
وراح ارد على كل المشاركات اللي فيها استفسارات بإذن الله
بالنسبة للسفر انا سالته ويقول انه يسافر مع اصدقائه
ما اقدر احكم اذا هو مدمن سفر او لأ,,, لكن ممكن اساله واستكشف هالشيء لو حاب
وبالنسبة لحكاية انه ملكع او خبيث
هو مب ملكع لكن يستلكع , يعني محاولات انه يكون ملكع او كأن احد معلمة اللكاعة , او كأنه مكتسب هالشيء من بيئته او من اللي حوله
الشيء اللي اقدر اجزم فيه
ان الرجال مهب ذكي ابد يميل قليلاً لان يكون على نياته او بالعامي (صحيح )
يعني كأنك امام شخص على نياته بس فيه لعانه
ان شاء الله تكون فهمت علي