خلسه طريقة ملتويه لا انصح بها

لأنها اولا تعدي على الغير ومن دون علمها او اذنها او اذن اهلها

انا لا ارضاه لأختي ومستحيل ارضاه لبنات الناس


ثانيا اذا اهل البنت رافضين النظره الشرعيه اساسا فلما انت تنظر لها خلسه او سرقه او خفيه او من ورى الشباك
او من فتحة الباب .. ماتشوف ان هذا تصرف غير مسؤول ولاينم على اخلاق ... انك تشوف محارم الناس غصبا عنهم

ثالثا : انت تبغى تشوفها خلسه ... طيب شفتها واعجبتك وطرت فيها وسهرت الليالي والايام والساعات والثواني عشانها
ونسيييت ان من حقها تشوفك ... لان النظره مش من حقك انت وحدك هي لها رأي

رابعا افرض انك شفتها خلسه والبنت شافتك انك شفتها .... والله يصير الدم لركب ياشيخ .. اكيد بتقول لأبوها

وبدل ماتكون عريس ...بتكون شهيد شوفة الخلسه

لان مايمنع النظره الشرعيه الا بعض القبائل وانت تعرف علوم القبايل وسلومهم

وخامسا مدري سادسا ... ضيعت ... لنفرض انك شفت البنت من تحت الشباك .... وماعجبتك .... شراح تسوي
او ع قولتهم : وش تحس فيه وقتها؟؟؟

والله يكتب لك اللي فيه الخير