انا الوسطى بين اخوتي واخواني والنقد منهم ليس لي وحدي بل لنا جميعا اخوان واخوات وهذا يؤلمني جدا جدا لدرجة اني اكرههم جدا في داخلي
ذكرت لك ماكانت تفعله الوالده بنا جميعا كان كل اللي في البيت ينضربون اذا غلط واحد فيهم واذا تكلم واحد فينا في حوار عائلي ولم يعجب الوالده كانت ترمي علينا اقسى انواع الجمل المؤلمه المحقره كان تقول مثلا لو لبست لبس لم يعجبها او قلت كلام لم يعجبها ترد علي وتقول على بالك الان انك معجبه الناس ترى شكلك مضحك غيريه فورا او تقول لاخواني في خالص عقلها الان انها معجبه الناس بثرثرتها ذي وهكذا ودائما تحتقرنا امام الناس وتسب فينا امام الناس وتضرب فينا امام الناس وضرب ضرب مو شي بسيط
اما الوالد اكرهه لانه لم يدافع عنا من هذا الظلم من الوالده طول الوقت ساكت ويقول امكم معها اعصاب بس برضه حتى هو اذا تكلمنا يتكلم مع الوالده امامنا ويقول شوفي السخافه في عقولهم اي واحد فينا يتكلم كلام مايعجبه ويقلها واذا الوالده ايدت كلامنا قال هم نقول سفيهين اما انتي ليه تتكلمي زيهم
كل شي يدفعه لنا من غير نفس وداااااايما برى البيت دااااايما يجي على الغدى ياخذ قيلوله وعلى العشى وللنوم فقط مايجلس ابدا معنا ولايتمشى الا في النادر جدا والهم على وجهه اول مايدخل البيت والله اني اشوف الحزن والهم على وجهه احسه مجبوووور فقط على الدخول
مره تخاصمت انا وطليقي ودق علي قال لاتجيني ولااشوف وجهك انا مازوجتك عشان ترجعيلي
ومره شيخ ظهر على التلفزيون ايامها باقي محد تزوج فينا يالبنات وجالس الشيخ يتكلم عن النساء يجب على الاباء مايحرموهم من الزواج اذا تقدم لهم زوج صالح وزي كذا قام قال الوالد واحنا موجودات واذا عيا يجي العله هذا وش يسوي الوالد على الرغم من ان ذاك الوقت كانت اكبر اخواتي في ثالث ثانوي واحنا كنا في الثانوي والمتوسط يعني صغار باقي
كانت امي تنادينا بالعوانس على الرغم من اني تزوجت وعمري 20 سنه بس واختي الكبيره تزوجت لما خلصت الجامعه على طول
تحب تقهرنا وتحب تحقرنا يمكن المس اللي فيها مو هيا يمكن لان اختي الكبيره كانت تقرا عليها القران ايام ماكانت تصرع عشان كذا تكرهها بزياده
اخوي لما تفركشت خطبته طول الوقت وهي تعايره اذا مانفذلها شي تقله انت لو فيك خير ماعافتك بنت الناس وتدق وتعيد فيها دايما والمشكله قدام الوالد وقدامنا وهو ينحرج مره
ايضا الوالد من يوم مااعرفه الى الان وهوفي كل مجلس عند الناس وامامنا يجلس يسب فينا ويقول خسروني وبهذلوني وانا مالقى اللي ياكلهم ويشربهم فقروني على الرغم من انه مرتاح ماديا وعنده مايكفي ودايم كان يسافر برا واجارات العماير حقته والمخازن وعمله بعد التقاعد كلها تجيب له دخل
والله انه في كل مجلس في كل مجلس الى الان وحتى الوالده تعاملها الى الان بس الوالده خفت شوي بعد ماكبرنا وهو لازم يجيب طارينا في كل سالفه اننا مفقرينه ومطفشينه
الحمد لله على كل حال

هذا اللي يحضرني واسفه لو تعبتك بهمومي واخذت من وقتك

__________________
(أفحسبتم أنما خلقناكم عبثا وأنكم إلينا لاترجعون )
قول الله تعالى