ماتستعجليش ،، لإني حساكي مش متزنه
ويمكن ردة فعلك على حاجات مع زوجك الجديد تبقى مش محسوبة
وهمك تصلحي غلطك في التجربة القديمة وتثبتي للكل انك ناجحة
وبالتالي ياتبوظي التجربة اساسا ،، يا اما تستمري في حياة مش صالحة للجواز اصلا
يبقى تستني شوية لحد ما مشاعرك وبوصلة الصح والغلط عندك تتزن ،، ويبقى كل فعل رده فعل مساوية له
واللي بقولهولك ده ليه سبب لإني تابعت مشكلتك كويس،،
انتي سبب طلاقك مش كبير ،، او حتى لو في شئ من وجهة نظرك عملتيه غلط ،، فهو مكانش يستاهل الطلاق بالمنظر ده
زي اللي هزر مع واحد بكلمه في وقت غلط فالتاني استنا ينام ولما نام ضربه بالقلم على وشه ورماه بره البيت
ويتقالك اصل هو شخص حساس وكرامته اتجرحت ،، ياسلام طيب ماهو احنا لازم نتكلم ونتفاهم دي حياة زوجية لازم نحلها مابينا بهدوء ،، لإنك لم تتعد على حقوقه مثلا !!
تتوقعي من الانسان اللي اتضرب في مثالي ايه غير انه يقعد فترة مش متزن وحكمه على الامور مش مظبوط
وحاسس بذنب شنيع وانه السبب بطريقة او بأخرى !!
وده مش المطلوب منك في حياة زوجية جديدة ،،
الجواز لازم فيه صبر وتحمل ومودة ورحمه ،،
كلنا بنغلط ،، هو هيغلط وانتي هتغلطي ،، ده شئ اكيييييييييد
وهتتعلموا من بعض ،، وكل شوية تحاولوا ترتقوا بمشاعركوا وبتصرفاتكوا عشان الحياة تبقى حلوة وجميلة
انما لو انتي طول الوقت هتبقي شايفة نفسك غلطانه وهو صح ،، بسبب تجربتك القديمه
او تتحملي حاجات مش المفروض تتحمليها
هيتمادا وهيبقى شخص اناني غريب ،،
الاصل ان كل واحد بيتجوز وهو حاسس ان عنده طاقة يحب ويتحب وانه هيدي وهياخد وفي قوة وكرامه وعزة نفس
وده بتدي توازن في الكفتين ،، ان كل واحد يسعى ومايتعداش حدوده عشان التاني
انما انتي هتدخلي مكسورة ،، وعاوزة تثبتي انه العيب مكانش منك وتطيعيه بكل ماتملكي وكمان عاوزاه يطيب جرح جديد ولسة بينزف ،، وويمكن عاوزاه يثبت لك انه مختلف عن واحد هو مالوش دعوة بيه ولا بتصرفاته !!
هيبقى كتير اوي،،
لو سمعتي ان طليقك بيتجوز دلوقتي وليله الفرح دلوقتي ،، هيبقى احساسك ايه،، سواء كنتي متجوزة او لأ
هتعرفي تتجاوزي عن الاحساس ده؟؟
هو انتي اكيد هيجيلك غصة ،، بس المهم طريقة تعاملك معاها ،، هتسيبيها تعدي ولا هتدمرلك حياتك ،،
طيب ساعتها لو في زوج جمبك هيخفف احساسك ؟؟؟
خالي بالك انك من الاول لما اتجوزتي كنتي عاطفيا غير مستعده للجواز ،، فمتكرريش نفس الغلطة تاني
وربنا يعينك ويهيألك الخير يارب