يا عبره انا عارفة انك بتتكلمي في مبدأ ،، وعندك حق ميليون في المية

بس كنتي اديتيله الرقم يشبع فضوله ثم غيرتيه بعد مايسيب الموبايل على طول

وكل مرة يقعد يستأذن الرقم منك !! كل مرة وبأدب وبدون مقاومة منك !!

عشان تبينيله انك مش مخبية حاجة وتكسبي ثقته

وفي نفس الوقت توصليله فكرة انه انا بعمل كدا عشان خصوصيتي

وتضربي عصفورين بحجر

بالنسبة للوضع دلوقتي ،، هيتصلح لوحده بإذن الله

وبلاش الندية الشنيعة دي

هو مش معنى انك كنتي طيبة بزيادة وتعبتي منه ،، تقلب بندية كدا

لا لا ،، الاساس هو ذكائك ،، يعني ازاي يبقى ليا كرامه بدون ما احط راسي براسه

ازاي ابين ان انا ليا حقوق زي زيه بردوا بذكاء وبحكمه

تخيلي لو كل واحدة طول الوقت في وطننا العربي تقول لجوزها مش عشان انا الست وانت الراجل تعمل كدا ؟؟!!

اكيد تلات ارباع الستات هيخربوا حياتهم ،،

لإن احنا شرقيين وعندنا الراجل بيتربى بطريقة معينه يحس منها انه شئ خاص ومستثنى اكتر من الانثى

انما كمواصفات اخرى طبعا زي جوزك هو رائع ،، مش كدا ولا ايه؟؟

يبقى هتهدمي حياتك عشان مبدأ ما صغير عاوزة تثبتيه مقارنةً بزوج رائع ؟؟!!

الحقيقة ان ستات كتير اصلا اللي شايلة البيت ولولاها كان اتخرب والراجل فاكر انه اسد ،، بس هي ذكية عارفة تعمل ايه وازاي

فهدي يابنتي اللعب وخليكي لينه الجانب،، وبينيله دلوقتي انك مرحبه ومستعده للكلام ،،

وسيبيه يقول اللي هو عاوزه وقوليله عندك حق !! ،، خالي بالك انتي الكسبانة وبعد مايخلص ،، خليكي هادية وحزينه وهو هيبوس راسك

وماتكترثيش لحركات العند بتاعت الولاد الصغيرة اللي بيعملها دلوقتي ،، خليه قافل اي بادو

ولو مافتحهوش بعد كام يوم - بعد مصالحة وصفاء نفس مش وهو لسة زعلان تستني منه يفتحه طبعا- ،،

ابقي اطلبي منه اي باد خاص بيكي بطريقة حلوة

وقوليله عشان كل واحد يبقى براحته

ربنا يهديكي ويقويكي

__________________