دخلتي كذا موضوع وشبكتي الله يهديك
هل أنا أقول أضمن حياتي ماراح أتزوج معدد أو زوجي يتزوج لا طبعا
لكن الله يبعدني عن كل هالإحتمالات لو كنت في هالموقف راح أوافق مجبرا أخاك لابطل ولا اشجع ولا أحبذ أحد يكون مثلي وفي موقفي
لو مثلا تزوجت معدد هل اتمني لأختي لا والله بالعكس

وأختي الفاضله هل أنا حرمت شي أحله الله لكن لو كنا في ظروف أخوانا في ليبيا الله يكون في عونهم أضربي هالمثل وعلي فكره كان في ليبيا ممنوع التعدد ألحين مسموح يعني لاتخافين عليهم

إضافه علي كذا حنا عزيزتي مو في زمن الرسول والرجل قبل يعدد يروح يصلح بيته وابنائه ويحسن فيهم وهذا الواجب وإلي راح يسال عنه يوم القيامه ماراح يسألة ربي ليه ماعددت لكن راح يسألة ربي عن زوجته وعيالة وهل أحسن فيهم


أنقص الرجل من رجولته ؟؟؟؟؟؟!!!
هل أنتقصت أحد ؟!
وبعدين وش دخل الأرامل
عزيزتي الرجل لما يعدد في هالوقت في الغالب يروح يدور البكر إلي لم يسبق لها الزواج وقد تكون صغيره في السن

وبعدين ضربتي لنا الام وأنا مدري وش دخل هالشي في الموضوع
طيب بالعقل كذا إلي شخصيته ماقدر علي حرمه كيف يقدر علي ثنتين ؟!
بصراحه شي عجيب
وألحين الثانيه بتفكر في امه وتقول رح برها يمكن الثانيه تخليه ينسى أن له أم أصلا
وبالعقل كذا هو عنده زوجه وحده ولا فكر في أمه ورماها في دار العجز في الثانيه لا بيتذكر عنده أم وبيروح لها

أختي أنتي مدري وشلون تفكرين أو وين عايشه عزيزتي إلي ماقدر علي وحده مايقدر علي ثنتين وإلا قصدك لو أنه طلق الأولي وتزوج الثانيه كان بر في أمه ممكن هالشي يعقل
أما لو أنه تزوج الثانيه راح يبر هذا شي مايعقله عاقل بصراحه ممكن لو تكون الزوجه الثانيه صالحه وراعيه دين وتقوى
وبعدين التعداد يزيد مسؤليات الرجل الضعف يعني بدل بيت واحد بيتين بدل زوجه زوجتين وعياال من هاذي ومن الثانيه

عزيزتي أحنا ماقلنا التعداد حرام لكن لو فيه ضرر الرجال يتركه أفضل بدل حالات هاالطلاق وتشتت الأسرة
أكون أسرة متماسكه يخرج منها أفراد صالحين أفضل من أني اشتت

وربي ماشرع شي إلا له حكمه وأكيد التعداد له حكمه ووجهت نظري إلي تزوج الثانيه ونجح في التعداد هذا يتزوج الثلاثه والرابعه لكن إلي ماقدر علي الأولي ويتزوج الثانيه هذا غاوي تعب

وبعدين الناس يختلفون ومو كل رجل يقدر يعدد
وأختي لو تكونين في مكان زوجات المعددين أو زوجه تزوج عليها زوجها يتغير كلامك
لو نتكلم بالواقع والشي الفطري المرأة ترفض التعدد وإذا الرجل يحب زوجته مستحيل يتزوج عليها إلا لظروف قاهره

وإضافه لكذا تقبل النساء له يختلف ورفضهم لهالأمر كذالك بعضهم الموت أهون عليها بعضهم مو ذيك الدرجه يأثر فيها زواجه بعضهم عادي زواجه
وإلي زوجته من النوع الاخير كذالك الأفضل يعدد
لكن النوع الاول لا

الله يبعد عنا ويوفقنا

__________________