عزيزتي ندمانة حيل

حطي ببالك ان الرجل والمراة لو ماحب شريكه ببداية الزواج خل نقول بالست
شهور الاولى .. يكونون بين نارين .. بين ان الواحد فيهم يبي ينفصل
لانه فعليا ماحب شريكه .. وبين انه مايبي الانفصال لانه يحس ان فترة
ست شهور جدا قصيرة ويبي يعطي وقت اكثر (وبالتالي فرص اكبر) لنجاح العلاقة
وضع لايحسدون عليه بالنسبة لي .. والقرار الحكيم هو اكيد اعطاء المزيد من الوقت !
مو معقول بعد زواجي مثلا بست شهور بتطلق عشان ماحبيته او ماحبني ! اقلها سنة !

ولكن الخطا الحقيقي بالنسبة لي هو المجازفة بانجاب اطفال في حين الشخص
غير متاكد هل شريكه هو الانسان الذي يريد المعيشة معه بقية حياته ام لا !

سوء تخطيط يقع فيه الكثير من الناس ..

الحب رغم اهميته بالنسبة لي ولكثير من الناس الا ان عدم توافره
ليس سبب كافي لانهاء كل علاقة .. الاهم ان لا يكون هناك : كره او استثقال ..
يعني اذا ماحبيت هالرجل على الاقل ما اكرهه ولا يكون ثقيل على قلبي بحيث
تكون حياتي معه مالها طعم ابدا !!

لكني اتفق معك بنقطة الاحظها على بعض الرجال !
يتزوج ومايحب زوجته بالبداية وهي تكون حابته وراضية بالعيش معه
فيلقاها فرصة دامها راضية يخبي عنها مشاعره ولا يقول لها شي !
ويؤدي واجباته بشكل عادي ويظن ان الحياة بتمشي بسلام .. وهو في الحقيقة جالس يراكم
لين يجي يقول ماحبيتها وابي اتزوج عليها ! طيب ليش من البداية
ما صارحتها وتركت لها الخيار اما تجلس معك او تتركك !
لكن العكس ما مر علي ابدا .. ماشفت ابدا رجل حب بنت والبنت
ماحبته وجلست تمثل عليه الحب طول سنوات الزواج !!

دمتي بود غلاتي