اقتباس:
المشاركة الأصلية كتبت بواسطة حلم وتحقق....
ندمانـه خلاااص اصحي واتركــــي الماضي يرووووح
ماله داعي تتواصلين مع هذاك المصلح وتسإلينه ليش طليقج طلقج وليش ينتقم وليش وليش
هذا طليقج ماعنده شي..وسالفة الإنتقام ما أستبعد إنه مخترعه ومألفــه
تدرين..ماراح تتغيرين وإنتي على هالأفكـــار!
ما أحــد اهني راح يقدر يساااااعدج..انتي بروحج بس تقدرين تساعدين نفســج
أول شي ليش تكرهين مسمــى مطلقــه..!!!
عمرج ماراح تتغيرين إذا ظليتي بهالسلبيه القاتله..المفروض تحمدين ربج ع الطلاق اللي ريحج من شخصية معقدة حتى النخاع
مادري شلووون وصلت نفسه لهالدنائه هذي..رفضج بالحلاااال ويبيج بالحرااااام
انسان مريض وويتبع الشيطااان
لاحول ولاقوة إلا بالله..
احمدي ربج إنج تحررتي منه..المفرووووض لما عرفتي بخداعه واستغلاله تفتخرين إننج مطلقة ومو تزعلين
هذا أكبـــر دليل يثبت إنه مو كفو زواج
بعدين ليش ترفضين المطلقين وتنصدمين لما يخطبونج..!!
ترى أكثرهم مكسورين وعانوا مثلج بالضبط..ويتمنون بداية جديدة مع إنسانة جديدة
كنت أتمنى إن يخطبني مطلق..بس ولا واحد خطبني منهم
واللي تقول احمدي ربج مارزقج الله منه عياااال..!!
طيب واللي الله سبحانه رزقه شتسوي..تقعد تبجي وتقول ياحسرتي وياهمـــي..!!!
الأطفااال من أعظــم النعم اللي ربي أهداها لنا..من المعيب أن نعتبرهم عاله وغم في حالات الطلاااق
ندمانه اصحي يا أختي وحبي نفسج أكثـــر..لاتتعقدين من اسم مطلقــة
عااادي..هذا نصيبج اللي انكتب وإنتي في رحم أمج
ارضي بالقدر خيره وشره..هو من أركان الإيمـــــان
لاتعلقين قلبج بالدنيا وزينتها..دنيا فاااانيه..هي سجن المؤمـــــن
ارضي بالقضـــاء..والله ماتعلمين ما يخبأه الله لكِ من سعادة إن رضيتِ فقط إن رضيتِ
دمتِ بعـــافيه وخيـــر بإذن الله..,,,
|
الحمدلله ياأختي أنا صحيت ..
وبالنسبه اللي متوآصله معه هذآ مستشآر شرعي أخوي مسكه الموضوع
لاهو مصلح ولاشي .. فقط شرعآ حكم الطلعه ومايترتب عليهآ
التغيير يبدأ من الدآخل .. وأنا الحمدلله عندي ثقه بنفسي بأني بطريقي للتغيير
مآكرهت مسمى مطلقه بس لأني لم أتزوج زوآج حقيقي .. أحس بأن الكلمه لاتنآسبني وفيهآ ظلم لي
لأني لم أعيش كـ زوجه وفي بيت يحفظني
والحمدلله أنا شآكره ربي .. لأن طلاقي خير الحمدلله
أنا مـارفضت المطلقين كـ أشخآص .. رآفضه مبدأ الزوآج من شخص له تجربه سآبقه وله أبنآء
لأني آسآسآ ماعشت تجربتي الأولى صح .. فمن حقي أبدأ مع رجل لم يسبق له الزوآج
لأني أنا أعتبر نفسي لم يسبق لي الزوآج .. وكأن زوآجي السآبق لم يكن سوآء شي عآبر ولاحتى فيه أي روح من الحيآة الزوجيه كأننآ .. نفعل شي بـ الحرآم بسبب عيشتي بالشقق المفروشه
ماكان فيه آمآن كنت كل لحظه أعيش بخوف .. بس الحمدلله على كل حآل
__________________
اللهـم إني ظلمت نفسي فـ أغفر لي