أولا : أكثري من قول اللهم أجبرني في مصيبتي واخلفني خيرا منها
ثانيا : لا تأخذي كلام من يقول اتركيه ولاتفكري بالموضوع ورجل كهذا لاتتعبين نفسك بالتفكير به هذا قووول المثالييييييييين ..أساسا علاجك وتخطيك لهذي المرحلة يكووووون بالكلاااام عن تجربتك تكلمي وتكلمي وتكلمي وتكلمي حتى تملي من الحديث عنه أعطي نفسك شهركاملا للحديث عن هذا الموضوع وأيضا التفكير في بعض المواقف التي مرت بك معه ..وإذا فيه دموع مااافي مانع مع من ترتاحي له من اخواتك وصديقاتك ..
ثالثا : سمعت دكتور نفسي يقول: إذا مرت بك مصيبة لك ست شهور أبكي على كيفك بعد ست شهور إذا بكيت فتحتاج علاج نفسي..
وأنت تووك حبيبتي يبيلك وقت .. ولاتستغربي اذا حزنت وبكيييييتي ..ممكن يجيك يوم منغلقة ومالك نفس أحد وبس تصيحين ترااااااااا عااااادي مررره...وممكن تجيك حاله تكرهين اخوانك وابووك ترااا مره عاااادي .. أنا جتني فترة زاعلت كل اخواني والحييين اضحك على نفسي..
احساااسك مرهف مره وكل شي يأثر فييك..كلهااا أزمة وتعدي..
حلو لو تغيرين غرفتك تقصين شعرك تصبغينه .. أنا غيرت كل شي حتى جوالي ولاب تووبي وحتى استاايلي باللبس بدييت حياااة جديدة .. سجلي بمهعد أو نادي ونااسه تشوفي النااس .. الحيااة ماوقفت ..
رابعا : كل مابكيتي وحزنتي استغفري وادعي ..لا تعطين الشيطان وجه تراااه يفرح انك تحزنين توضي وصلي ركعتيين ..
خامسااا: نقططططة مهمه...سورة البقرة يوميااااااا لاتتتركينها أبد أبد ...والله انها نصف العلاج..نصييييييحة من أخت لأختهااا اقرأيهاااااااا بتلاقي صعوبة بالبداية بعدين تكون سهله مره..أنا ماتعديت الأزمة إلا بفضل الله سبحانة وتعالى ثم بفضل سورة البقرة تبعد عنك الوساوس..
سادسا: الوتر .. لاتتركيه ادعي وفضفضي وابكي وألحي بالدعااء اشكي لربي .. ولا تدعين عليه قولي حسبي الله ونعم الوكيل.. وقولي ياربي مثل مااعطيتني هذا الرجل وأخذته مني أعطني أفضل منه ..
سابعا : استمتعي بهالفترة بالابتلاء زيااادة أجر .. كل ماضاق صدرك تذكري ان ربي ابتلاك لأنه يحبك أو يريد أن يسمع صوتك ..فاستمتعي ..
ثامنا : هذا شي مهم بيساااعدك على كره طليقك خوذي صوره الي عندك وشققيها وارميها .. امسحي كل صوره الي بالجوال .. امسحي رقمه .. ورقم خواته وأهله كلهم .. لاتخلين ولاشي يذكرك فيه لا بالجوال ولا باللااااب ..واذا غيرتي رقمك افضل ..وأغراضك وخريهم عنك لاتشوفينهم ابد ولاتستعملينهم..
ولا تسألين عنه ولاتسمعين أخباره.. ولا تسمحين لأحد يتكلم فيه عندك أو يتدخل بخصوصياتك ويسألك أسئلة مالها داعي ترااا الناااس ماينعطون وجه يحبون هالمواااضيع ملااااقييييييف ..أي أحد يحاول يتكلم معك فيه قولي : لوسمحت بصوت عالي لا تتكلم معي بهالموضوع..في نااس كثير الحين محترقين ودهم يسمعون السالفة منك..
تاسعا : بالنسبة للمطلق اممممم أنا مثلك أخااف يكون فيه شي وتتكرر نفس التجربة فعادي إحساسك مع الوقت بتركدين وتقدرين تآخذين قرارك لو جاك مطلق... الحين انت ملخبطه .. والمستقبل له الله..
عاشرا: الله يعوضك بالي يسعدك ياحبي لك ..ويفرح قلبك ..ويهون عليك مصيبتك..
التعديل الأخير تم بواسطة اللؤلؤة المصونة ; 05-11-2011 الساعة 10:24 PM