السلام عليكم


اخواني الرجل اليوم اتصل علي ولم ارد عليه وذلك لان احد اخوانه وصانا بأن لا نرد عليه في حال الإتصال واعتقد لكي لا يتكرر ما حدث عندما اتصلت عليه وقفل في وجهي وقال انني اهدده ..


طبعا ما رديت عليه اليوم وبعدها بنص ساعه وصلتني رساله منه يقول انه عارف اني زعلان ولي الحق بالزعل ويعنرف بخطأه وحاب يعتذر عن رده علي في المكالمه وتأسف مني وقال اته ودي افهم انه كل ردة فعل تصدر منه وهو متضايق تكون غصب عنه وما يقدر يتحكم في نفسه اثناء العصبيه وقال اتمنى انك تكلمني لاني محتاج اكلمك جداً وتأند انه مالك الا اللي يرضيك ويريحك ويرضي الكل ..


طبعاً الرجل والله ما نحمل في صدورنا عليه مثقال ذره من حقد مع انه حصل منه امور كثيره بخصوص بنتنا وذلك لعلمنا انه اما مريض او مسحور او الله اعلم بما فيه والسبب الثاني والديه اللذان فيهما خير كثير ..


طبعا ترددت بس قلت اشاوركم وشاورت الوالد وقال اذا كلمته قول الموضوع عند الوالد وانا مالي شغل والموضوع اللي صار انتهى والخاطر ما فيه شي واذا تبي شي دق على الوالد ..


وانا ودي اغير رقم البنت اخاف يدق عليها ويبهذلها لان نفسيتها مدموره شوي وطلبت مني اغير الرقم بس قلت لها خليك واثقه وما عليك في احد ، فوش رايكم اغير الرقم والا لا ..


انتظر مشورتكم فيما ذكر اعلاه لانني اخاف نكلم بعضنا ويحصل صدام بالكلام وانا لا أريد هذا الشيء لان البنت واطفالها وصلوا بالسلامه ولا عاد يهمني وكان ودي اكون ثقيل شوي لان تو الموضوع حار وأيضاً انتظر اهله ماذا سيفعلون لانهم بحثوا عنه ووجدوا واخذه واحد من اعمامه وسافر به الى جده يريد ان يبحث له عن علاج ولا اعلم ماذا سيكون العلاج إما عند شيخ او طبيب نفسي ..


ودي وعبير وردي

__________________
لا تسقني ماءَ الحياةَ بذلةٍ .. بل فاسقني بالعز كأسَ الحنظلِ
مـــاءُ الحيــاةِ بذلةٍ كجهنمٍ .. وجهنـــمٌ بالعـــز أطيــب منــزلِ