اقتباس:
المشاركة الأصلية كتبت بواسطة سيدة الموقف
:*
ماهي إيجابيات زوجتك..؟!
وماهي سلبياتك أنت بكل أمانة..؟
:*
|
ايجابيات زوجتي :
لاتعد ولا تحصى أول ايجابياتها انها تحبني وتغار علي تحترم اهلي واهلي يحبونها وشغوفين برؤيتها خصوصاً امي
باره بوالديها حتى لما تزوجتها ابوها قالي انتبه لها تراها الباره
تعتذر لما تغلط وتحب راسي دائمة الإبتسام بشوشة الوجه معي ومع الأطفال
من وقت لوقت تسوي مفاجآت رومانسيه
تنكت احياننا نكت بايخه بس اضحك غصب عني 
لو ما ضحكت تزعل
تقدرني وتقدر المصاريف اللي اعطيها لها حتى انها تشكرني في كل مره حتى لو دخلت البيت ترحب وتدعي لي بالعافية
محاسنها كثير
سلبياتي :
اصعب شئ الإنسان يشوف سلبياته
لكن بكون صريح باللي اشوفه في نفسي
اتضايق وضيقتي تطول مثلاً حصلت بيننا مشكله تعتذر لي وتحب راسي اقولها خلاص سامحتك لكن بداخلي ابقى ضايق واجلس كم يوم الى ما تصفى نفسي وتلاحظ هالشئ هي وتصبر علي
ممكن أأجل اي مخطط لي انا وياها في سبيل الشغل والمكسب المادي اذا حسيت اني لازم احضر رجل ابحث عن المادة نعم
رجل لحوح جداً مزعج في إلحاحي الى درجة الإصداع احياننا في بعض الأمور ومنها هالموضوع لذلك ذهبت لأهلها
عنيد ما اقتنع بكلام احد الا اذا اثبته بالادله والبراهين
اذا في راسي شئ اسويه ولا احد يمنعني حتى زوجتي حتى وان كنت على خطأ بغير معصية للخالق
اجتماعاتي بأهلها قليله وعلاقتي مع امها من قبل المشكله وهي متوتره جداً
هذا ما يحضرني ولكن كما يقال افتقد المرآه التي تصارحني بعيوبي