خاله قرين / بس مويا زمزم و تمر ...! تكرمي انتي شرفينا بالمدينة
و زمزم كلها تحت أمرك و التمر كمان ..
مشكورة لتواجدك خاله ..
......
بابا المستشار / أنا ما اخجل من خالي عشان بطني ،، اصلا أنا من زماااان اخجل مو منه وبس
من الكل ، حتي بابا اخجل منه و لا اقدر أتكلم معه واذا هو كلمني اخجل ارد عليه الا كم كلمة بس
و حتي إخواني الاكبر مني اخجل منهم ، بدون سبب
لكن مع الحمل صار عندي سبب محسوس وزاد خجلي و خاصة لما احد يسألني عن البيبي ...
منهم او من خالاتي او بناتهم ...
اما جده الحل معها أني ما اروح لها لكن ايش اسوي مع ماما ،، جده ما تحترم احد تصارخ حتي على ماما
و تنتقدها حتي ملابس ماما تتدخل فيها و تخليها تبدلها لانها ما عجبتها ..!
ماما تزعل اذا قلنا عن جده حاجة او ما سمعنا كلامها ..
امل يابابا حاولت اتقبلها لكن مو قادرة خاصة انها بتفرض علي كلامها و تقول انها ادري مني
و تخاف علي .. و الله واحنا عند جده انشغلت فيه الا بتاكلني غصب و بتنيمني غصب ..
و طول الوقت تعطيني توجيهات ، و كانها ماما ...! اكره أسلوبها معي ..
زمان كنت خاضعة لها اما الان صرت انفر منها و لا أتقبل منها شي ..
احتاج الحين أني اتجاوز خجلي مع الناس و اتجاوز حساسيتي من امل ..
و شكرًا لك بابا ..