[COLOR=Black]
[COLOR=Black]شوفي عزيزتي
أنا في مجتمع عندنا كل شي بأسم الدين وعادات أبعد ماتكون عند الدين وظلم للمرأة بحجه الدين
ويقولون أحكام ماأنزل الله بها من سلطان

نظره تعميميه خاطئه .. هناك من يتمسك بعادات الدين منها براء .. الان الامر متعلق بفئه معينه
وليس بمجتمع باكمله ..
من الناحية الوظيفيه والقضاء وحقوق المرأة
عندنا الحرمه تتبهذل من أجل حضانه أبنائها إذا ماعندها رجال ياخذ حقها خلاص مافيه لها شي
والقانون في صف الطرف الأقوى وهو الرجال

ظلمت ِالقضاء وعممت ِ عليه من تجربه سمعتيها ..

وأقو لك قصه ومثال قريب حصل عندنا واحد من الاقارب يشتغل في محكمه طبعا من القضايا حرمه تبي حضانه أبنائها راحت للقاضي تبكي تبي عيالها قال لا
وأنا متاثر فيني دموع الحريم !!!
والحرمه مسكينه تبي عيالها والحضانه حكم القاضي الحضانه للأب والحرمه مسكينه ماعندها عزوه ولاشي والأب علي فكره راعي مخدرات وخرابيط
بعد فتره تدخل قريبي إلي في المحكمه ورجع الأطفال لأمهم وعزم الام وعيالها
وأهي تقول قصتها وتشكر قريبي إلي ساعدهم وتدعي له

اي قاضي تحضر الزوجه ادله وقرائن تدين الزوج وتثبت ماتقوله .. تكون الحضانه لها ..
وتقدر تستناف الحكم من جديد بحيث تحضر مايثبت ومنها طلب القاضي من الزوج تحليل الدم ..
الاخوات هنا نصحوا اختنا تناهيد تروح المحكمه عشان ولدها .. محد قالها لاتروحين ترى المحكمه
بصف الرجل ..!؟
من تجربه عممتي وهذا ليس من الانصاف ...

شوفي هذا مثال بسيط جدا حتي من الناحيه الوظيفيه ماتتوظفين إلا بتوقيع ولي الامر
الأشياء الحكوميه المرأة ماتدخل بدون محرم

متاكده ..!؟
الاحوال مافيه قسم نساء .؟ المحاكم مافيه قسم نساء ..؟
التربيه والتعليم ..؟ وزارة الشؤون الاجتماعيه ..؟
ومن فتره سمحو للمرأة بالإستجار من الفنادق بدون محرم وإلا في سابق لو مامعك محرم نومي في الشارع
بتقولين الدين طيب حرمه ماعندها أحد
حرمه ولي أمرها فاسق وإلا ظالم وياكثرهم
هذا غير من كل النواحي ماتقدرين تدبرين نفسك لااازم رجال حتي الشارع ماتطلعين له بدون رجال
عيني بعينك
طلعت لي هويه وطنيه بدون رجال ..
فتحت لي حسابات بنكيه بدون رجال ..
كنت اسافر من الدمام لجده بدون رجال ..
خلصت لي اوارق مهمه بمستشفى ومريت على المدير يوقعها بدون رجال
فيه امور ماكانت احتاج فيه لرجل وفيه مواقف ممكن احتاج ..
انقدي يااختي بس بدون اجحاف ومبالغه ..

من الناحية الترفيهيه هذا شي منتهين منه 24 ساعه البنات في البيوت :
اجل مين مسوي زحمه بااسواق والملاهي والكوفي شوبات ويمشون رياضه ؟
اللي باغلب المدن سعوديه الا تلقي شارع خاص لرياضة المشي ..
مين اجل بالنوادي .. مين بالمراكز التحفيظ؟ .. مين بالمراكز الصيفيه ..؟
مخلوقات فضائيه مثلا ..

تدرين البنات عندنا يتخرجون من الجامعه تجلس شهور أو أكثر ماشافت غير جدران بيتهم
بالمختصر السعوديه مالها إلا الزواج وكل أمالها في الزواج وكل طموحاتها في الزواج
إذا ربي ماوفقها خلاص الله يعينها يبداء مشوار الشقاء من جديد

عندنا > تعميم كمان يعني كل السعوديات بمافيهم انا وخواتي نقعد شهور مانشوف الشارع ..؟
كل فتاه تتمنى الزواج هذا امر فطري ..
فيه عائلات قليلة الخروج بطبعهم ..وفيه اللي مايهتمون ماانكر وجودهم ..
وفيه اللي عايشين حياه طبيعيه ..
كل كلامك تعميم في تعميم ..

من ناحية النظره للبنت والظروف الإجتماعيه كل العرب مثلنا وأرداء ممكن أحنا زياده حبتين
أحنا العرب علي فكره فاشلين وهمجين وكل قوتهم علي الحريم
>> لا أحد الله يعافيكم يجي يهايط علينا ويقول أحنا العرب ومدري إيش الله يرحم الحال بس