عجيبه انتي يا بنت بس في مثلك كثيييير لاتخافي حالتك ماهي نادره.
اولا ان توفر العريس البنت ما يعجبها وان ماحد دق بابها وعنست تصير تقول شو العيب فيا ويارب اي عريس بس اتزوج!!!
اسمعيني يا بنت..
اذا الزواج مو عاجبك..وفريه في غيرك بنات كثير تتمنى الزواج..وخلي بنت حلال ثانيه تاخد زوجك وانتي اعنسي بالبيت- لانه مثل ما تعرفين عدد الذكور بالمجتمع اقل من الاناث يعني لو تزوج كل الرجال راح يبقى نساء من غير زواج -ويبدو انك انتي من النساء اللواتي لا يهمهن الزواج - لذلك خلي العريس لمن تتمناه انا انصح بهذا -ويخرب بيتك مافيها شي خلي بيت بنت اخرى يعمر.( من غير زعل- لاتزعلي مني ان كنت فظ او غليظ القلب معك).
- زوجك طالب وانتي طالبه - احمدي ربنا يا بنت لساكي صغيره وتتزوجين - ملايين غيرك يتمنو هالشيء تنستري بهالفتره وتتزوجين...
- كل الي يدور براسك انتي هو المال والسفر فقط - اي الاحظ انك انتي الماديه وهمك الفلوس وليس اهل زوجك او زوجك البخيلين....
- سمعت هالكلمه كثير مهي ليله بالعمر مهي مره بالحياه مهي فرحه العمر ...والخ مما شابه من كلام..
بعض البنات تغلي حفلة عرسها وفستان عرسها وشهر عسلها - ليش لانه مره بالعمر - لكن للاسف كان شبح الطلاق لها بالمرصاد...يعني ماكانت حفلة العمر الوحيده بالنسبه لعريسها لانه تزوج غيرها - لكن هي هيها تندب حظها والمحظوظه تلاقي شخص اخر يرتبط بها(وتعمل حفله جديده يعني ما كانت حفله مره وحده بالعمر ووو)...
المقصود اختي فكري كبري عقلك شوي...لاتكوني باربي...بعدين زوجك يروح يغيرك مثل ما باربي تغير فساتينها.
- بعدين 30 مو عاجبك؟ زوجك لسا يدرس يعني مبلغ خيالي بالنسبه له -سؤال انتي كم اقصى مبلغ قمتي بتوفيره بحياتك؟ عمرك وصلتي 30 كتوفير بحسابك الخاص؟
الغريب انه العديد من البنات خاصه ممن يعملون ويأخذون رواتب ومعاشات - لما يجيهم عريس يطلبو مهر - هما مع وظيفتهم لعدة سنوات ما قدرن يوفرن هذا المبلغ لكنهم يرهقون الشاب بطلب مهر غالي. مع انه للاسف هن سبب بعدم وجود بركه بمجتمعنا وعالمنا لانه هناك حديث شريف معناه " اقلكن مهور اكثركن بركه" وللاسف ياما اهالي وبنات تغالي بالمهور وبالتالي يقطعون البركه بالبيت والعيال والاهل.
ولو مع اهله ملايين الملاين -هذه تبقى اموال ابيه وليست اموال زوجكي -وانتي قبلتي به وتعرفين انه طالب -لذلك لازم تتحملي وبل تساعدي زوجك - ما اجملها من حياه لو انتي وياه تعاونتو سوا - ممكن تأجلو شهر العسل لبعد سنه مثلا- وانتي وياه توفرو من مصروفكم سعر السفر -ولتركيا او شرم الشيخ وغيرها الاسعار صارت كثير معتدله -ليش تروحين اوروبا بلاد الكفر؟ وتصرفين اموالك لناس اصلا يحاربوننا ويقاتلون الحجاب والمحجبات -ليش ما تصرفي اموالك ببلاد مسلمه ؟
انا اعرف زميل لي تزوج - وهو وامرأته بعد الزواج صارو يجيبون عفش البيت قطعه قطعه - واستمرت الحال هكذا لسنه لحتى اكملو عفش البيت كامل - لكن هو واياها اكثر اثنان سعيدين بيقول لما كنا هذا الشهر نشتري قطعه كنا نضل فرحانين بهذه القطعه من اثاث البيت شهر كامل لحين نشتري قطعه اخرى.. ولما اشترى غساله عمل حفله وبقي فعلا اكثر من شهر مبسوط وسعيد بها...على عكس الي يجيب كلشيء مره واحده - بالنهايه اسلوب حياه - وانتي من يصنع اسلوب حياتك- يا بتكوني بنت نكده وممله - وما يعجبها شيء وفقط تبقى تنظر على صاحبتها وبنت جيرانها وفلانه وعلانه - بس احب اقولك الي يناظر لفوق كثير اخرتها تنكسر رقبته - انظري للناس مادونك لتعرفي مقدار النعمه التي انتي بها
ودمتي بخير ويارب يتمم فرحتكم وزواجكم على خير والف مبروك.