المشاركة الأصلية كتبت بواسطة &sky&

أختي أمرك عجيب .. راح أكون معك صريحة انتِ جدًا مبالغة بردات فعلك ..*
يعني زوجك حسب قولك حابب يسافر لكن وضعه المادي ما بيسمح .. وهو ما بيقدر يجبر أهله إنهم يخلوه يسافر .. يعني شو يعمل؟ يعمل مشكله معهم عشان تسافري؟؟*
أختي احمدي الله غيرك تزوجوا بأقل القليل وعايشين وراضيين وهاد مش كلام مثالي بل كلام واقعي ..*
*
يا أختي تقولي كارهة خطيبك .. ونافرة منه .. هل هاد الشي بسبب الماديات فقط ؟؟ طيب اذا كان هو غير قادر كيف بدو يعطيكِ؟ يا أختي بسألك زوجك كريم؟ هل في اي علامة من علامات البخل؟؟ إذا كان لا والأمر يقتصر بس على اهله فاحمدي الله واشكريه . بكرة بيشتغل وبيتحسن وضعكم ومع التفاهم بتقدروا تعملوا كل اشي بدكم اياه*
*
بصراحة انا مش شايفه انه السفر شيء اساسي .. نعم هو شيء جميل لكن مش أساسي
*
بعدين لاحظت انك بتهتمي كتير لكلام الناس فلانة قالت وفلانة عادة .. أرجوكِ يا أختي إذا فتحتِ اذنك لكلام الناس اعرفي من الآن انه بيتك راح ينخرب .. الناس دايما بتحكي شو ما كان الحال بتحكي سافرتِ ولا قعدتِ راح تحكي .. كان المهر 30 ولا 100 راح تحكي الناس دايما بتلاقي شي تحكي عنه ..*
أرجوكِ فكري في حالك وفي حال زوجك فكري في ايجابياته وفكري كيف بدكم تبنوا حياة زوجية سليمة بيسودها التفاهم والاحترام والحب ..