مرحبا انا ماقرأت الردود قبلي وماراح أقولك المفروض ماخطبت بنت بهالعمر لأن اللي راح راح وعلينا الآن التفكير باللي جاي ...
بإختصار ياأخي أنا بنت وأدرى بالبنات عمرها 18 شئ جدا طبيعي انها خجوووووووووووووووووووووووولة أنا وغيري كثير لما كنا بمثل عمرها بالذات هالعمر ,, نستحي من ظل الرجل !!! وسالفة العرس عندنا نموت ولااحد يقول لنا انخطبتي
يووووه شئ مو طبيعي لما كانت امي تقول انخطبتي ارتبك ويحمر وجهي وتخنقني العبرة واستحي اقول لصديقتي تراي انخطبت هههههه ... جنون بنات ... لكن الحين عمري 24 لما انخطب صحيح استحي كأي بنت لكن أمتلك القدرة على مناقشة أهلي بشأن الخاطب وهل هو مناسب أو لا .. وكيفية وضعه لأني أصبحت ناضجة لحد بعيد ...
تدري ليش 18 خجولين بهالعمر تحديدا ؟؟؟ لأن أغلب البنات بهالسن توها تفهم وش الحياة بطبيعتها فتصير تستحي
والمفروض انت الله يسعدك تفرح ان خطيبتك خجولة ... تخيل عمرها 18 وجريئة !!!
معليش يعني حنا بمجتمع محافظ للغاية الحمدلله ... فشئ عادي تكون الكتكوتة كذا
بس أنصحك تصارحها قلها سولفي شوي .. كلميني عن نفسك
قلها مثلا تراي ((أكره)) البنت الساكتة اللي ماتضحك وماتنكت ... اكره الصمت
لأن أي بنت مخطوبة تسمع من خطيبها كلمة اكره البنت اللي كذا
على طول تحاول تراضيه وتبين انها البنت اللي على مزاجه
الله يوفقك ويكتب لك الصالح ...