ما شاء الله تبارك الله ... والله وأمورك بدت تزين .... ألف مبرووووك
بس بقولك نصيحة من اخت لأخوها
لا تلين .. هالأب لازم يتأدب عشان ما يرجع ويتدخل في حياتك مره ثانية
ونفس الشي زوجتك تحررررم عاد تطلع من بيتها
اصبر ولا تقول يمكن تتغير وما تبي ترجع ..... ياخوي هو فيه وحده تلقى مثل طيبتك وأخلاقك وحسن عشرتك وتفرط فيه؟؟!!
ولا فيه وحده عاشقه للقب مطلقه وتاكل الناس وجهها هي وأهلها؟؟!!
تراها جربت الجرده وطايحه في بيت أهلها وش استفادت؟؟ من بعد ما كانت الآمره الناهيه في بيتها رجعت فرد في أسرة إن زعلت ولا رضت محد عطاها وجه
وبعدين كثير من المتزوجات في أول حياتها مع زوجها تقول نفس الكلام اللي قالته لك زوجتك
إن لي شخصيتي وكلمتي واني كنت مدلعه ومدري وشو .. وكله عشان بس تتنازل وتخلي الأمور تمشي على كيفها
>> يعني بالمختصر فقاعات صابون هالكلام
ولا وحده كل شي ماشي على كيفها ولها شخصيتها تتزوج ليش؟؟
وأحب أذكرك
أهم شي بيتك لا تغيره لا بواحد بعيد ولا قريب
وإذا عندك فلوس زايده لمها ترى أنت في أول حياتك وانت شفت بعينك محد يستاهل وبكره بيت ملك يلمك وتتهنى فيه
و ان غيرت البيت بيحسون بنشوة الإنتصار وانهم في النهاية طلعوك من بيت أهلك
وأهلك باين عليهم اجاويد وما يستاهلون تقفي عنهم ..