مشكلتك تتلخص في :
1/ كلام الناس ...2/ الوحده ..
كلام الناس ما يخلص و بصراحة عبيطه اللي يزعلها كلام الناس لأن بعضهم يقصد الاذيه من باب الغيره
يعني اذا تزوجتي خلاص ما يتكلمون فيك ..! لالالا بيزيد الكلام ههه
الوحده / مو كل متزوجة حاسه بالسعادة وياما متزوجات يعيشن قمة الوحده والفراغ العاطفي والألم النفسي وشوفي الواقع
ولا كل متزوجة تشوفيها مع زوجها مبسوطة او حياتها اوكيه 100% لالا ..
يمكن انتي افضل حال من اللي شفتيها بس مشكلتنا مالنا الا الظاهر ..!
الزواج مو حل سحري للمشاكل تخيلي نفسك تزوجتي ( خيال واقعي مو تشطحين بالخيال الغير منطقي زي سندرلا و الأمير )
مع شخص عادي زي البشر و يوميات عادية روتينيه ترى بتحسين بانك بالغتي في تقدير الزواج ..
انا ما اقولك لا تحلمين ولا تتمنين لأن هذى طبيعة البشر ..
لكن لا تبالغي وكأنك تعيشي باسوء حال و اصعب ظروف ،، مع انك متعلمة موظفه بصحة جيدة عندك ام واب
وامن .. كلها نعم عظيمة جدا ،، فان انرحمتي من نعمة وحده ( وان شاء الله تجي بس لا تستعجلي ) فنعم الله عليك لا تحصى
التشكي والتسخط لا بيقدم ولا يؤخر إلا يزيد نفسيتك سوء و يضعف الإيمان بقلبك ..
استغلي ايام عمرك هذى اللي تضيع بالإنتظار بشيء مفيد وتعلمي و طوري نفسك ،،، ترى الحياة لها اهداف اكثر من مجرد
زواج ،، التفتي لها واهتمي فيها ،،، يعني ما تزوجتي خلاص تنتهي الحياة وتجلسي كذا ..!
اذا حسيتي بالنقص روحي شوفي مراكز الرعاية لذوي الإحتياجات الخاصة ترى جربت هالخطوة ،، بتعرفي وقتها نعمة الله عليك
و روحي المشفى النفسي وشوفي بنات بالعشرين الحمدلله على حالنا ...
وحده عمرها 24 سنة اختها الللي اصغر منها تزوجت وهي اغلب ايامها بالمشفى النفسي و اذا طلعت تعالى شوفي الحريم
الفارغات ايش يقولوا لها .. وردت عليهم جواااب راااائع جدا جدا قالت لهم ( أنا راضية باللي الله كاتب لي ) ..!
حسيت بعدها بسخف الحريم وقله عقولهم ،، و احتقرت حتى نفسي ..!
اكرر احمدي الله و اسأليه يحقق لك امنيتك بأدب بدون تشكي و تسخط ..