[QUOTE=الذوق نجدي;2720961][SIZE="4"][COLOR="Purple"]السلام عليكم ورحمة الله ...
وعليكم السلام ورحمة الله وبركاته


أحس بقهر بغضب .... سؤال يطرح نفسه بس قبل مااطرح سؤالي لو سمحتوا الله يخليكم
لاأحد يقول هذا حسد أو مقارنة بالآخرين أفهموني قبل تكتبون رد الله يحرم يديكم عن النار ...
سؤالي هو ليش (البعض) مايهتم بالمتأخرات عن الزواج ؟؟؟؟؟؟؟؟؟؟
معليش عصبي وانقهري ،، بس من تجربة محد له دخل ؟؟ طيب لحظة يعني تبينهم يهتمون في يدهم حل ؟؟؟ آه بس ،، وأعجبتني كلمة متأخرات .. كويس تؤمنين بها أكثر من عااااااااااانس
ولا أعمم لكني قلت البعض ... يعني لاشافوا وحدة ماتزوجت ومهمومة ومتضايقة يستهزأون بهمها وربما يضحكون بسخرية ... ويقولون عادي وش فيها وش مكدر عليك أصلا ؟؟ احمدي ربك ماتزوجتي وجاك رجل يغثك !!
لا والسؤال اللي يقهر وش مكدر عليك ؟؟؟؟؟؟؟؟؟ وش اللي ماكدر علينا الوحدة بمعانيها وألمها
لحااااااااااااااااااالها أكبر ضيقة ولاأحد يرد الصوت
آيوه انت منتازة ... رجل يغثك ؟؟ ولا عندك عيال ؟؟ الله أكبر عاد هم وش اللي يغثهم ؟؟ معليش أبطلع عن مسار موضوعك .. لأني بجد تنفقع مرارتي ... اذا شافوني بالشغل متضايقة من شي ... طبعا يخص العمل .. أجل لو عندك رجل ولا عيال وش بتسوين ؟؟ وهم والله وهذيني أحلف لك لا تعرف لا رجل ولا عيال ... همها سعة صدرها وطلعاتها وروحاتها .. أقسم بالله وحدة تقول اني أدخل البيت أمشي بشويش عشان ماينتبهون لها عيالها
عارفة شرقت وغربت عن موضوعك ... بس يقهروني اذا قاموا يغبطوني اني آنسة ...


بس تقعد تناظر تناظر كنها معجبة تبي توقيع خخخخ وبعدين تسولف مع أمي وأهلي وتقول الله يرزقها ويستر عليها ويرزقها من يضفها ... << تقهرني الكلمة الأخيرة يرزقها من يضفها ..
كلش أتحمله ولا كذا في وجهي الحريم الكبار ... الله يرزقتس ... الله يبرتس بالصالح من خلقه ... خييييييييييييييييييير تصرفون علي ؟؟؟ افففففففففف من هالمجتمع ؟؟؟
والأسئلة المعتادة المطروحة ياترى هي ماتنخطب ؟؟ مااحد تقدم لها ؟؟؟ يعني لازم إذا إنخطبت أحط إعلان إني إنخطبت وعدد مرات خطوباتي وماذا حصل .. ومن مين كان الإنسحاب وش الأسباب ,,,
عشان أسلم من الكلام ومن النظرات ومن التجريح !!

بتقولون طنشي لاتهتمين .... اللي يده بالنار مو زي اللي يده بالماء ... حاولت أطنش وتعبت انقهررررررررررت
آذوني بكلامهم آآآآآذوني وأسئلتهم تقهر ,,, الدمعة حايرة بالعين والقهر بالقلب ....
حبيبتي أنا أردى منك وأقول لك بالفم المليان طنشي ؟؟؟ أصلا اذا بتسمعين كلام الناس عمرك ماراح ترتاحين ... وعليك بالدعااااااااااااااااااء والصدقة ... وفعل الأسباب بس لكن تتابعين الناس ماراح يجيك إلا الهم والغم وبيطق راسك الشيب

تعبناااااااااااااااااااااااا مو أنا لحالي كثييييييييييييييرات مثلي وأردى بعد ...
أنا أردى منك ... وماعندي مشكلة الحمدالله أو أتظاهر ان ماعندي مشكلة عشان ما تكبر بداخلي وتأثر على كل شي حلو بحياتي

والله أنا أواجه أسئلتهم ببرووووووووووووووووود وتطنيش مزيف وردود بسيييييطة مثل
الله يسهل الحمدلله ,, توي كتكوته أبي أتدلع ... وأنا أصرف ,, ماابي ابين ضعفي وقهري للناس ..
قلت بكل مكابرة وبكل تزييف ... مابعد جاء اللي يستاهلني ...
وانا أكابر جروحي لم أوفق بأي خطوبة والحمدلله على كل حال ...
أنا أقول مابعد جاء الكفء ... مابعد جاء النصيب .. وعساني أفتك من قولة شايفة نفسها .. لاااااا وعلى ايش ؟؟؟؟

متى بنتزوج حنا ؟؟؟ وليش قبل مايتشرطون ليش مايشوفون المراية ويلقون نظرة شوي على شكلهم ؟؟
قبل مايجرحونا .؟؟؟
عزيزتي ... كل رجال وحر بشروطه .. ما نقدر نفرض عليهم .. بس أكثر شي يضايقني ، يقولون احنا مالنا شروط ؟؟؟ ويجون يطلون ويروحون ؟؟ خلاص كل وحدة تقدر تقيم نفسها .. فقولوا شروطكم موجودة حياكم الله ولا كملوا مشوار البحث عن حورية الجنة ؟؟!!!!

بعد كل هالهذرة فوق بالأخير نلقى سؤال وش مكدر عليكم يالمتأخرات ؟؟؟؟؟؟؟؟؟؟
هذا كله كوم وحاجتنا للسند بحياتنا كوم ثاني حاجتنا لأنيييييييييييس حاجتنا لأحد يتقهوى معنا يآخذ ويعطي يسألنا وش سوينا بيومنا ؟ وش راح نخطط ؟ نفكر سوى بصوت مسموع ......
ماقد فكرت من هالزاوية .. أنا فقط عشان أفتك من نظرات الرحمة وتسميعي دعواتهم ... ، يمكن لأني أعيش هاللحظات في بيتنا أتقهوى مع أهلي وأنا اللي أخطط كل شي .. يمكن !!
نحتاج ليد تمسك يدينا ليد تلف أصابعها حول معصمنا وتشد عليه ... ليش فيه فراغات بين أصابعنا ؟؟ عشان نملأها بأصابع من نحب ..
برضو ماقد فكرت

حتى مرة رحت الخياطة بفصل فستان قالت لي هذا فستان من تجهيزات زواجك ؟
قلت لا أنا آنسه ... قالت اووووه للحين ؟؟؟؟؟ تحطمت حتى الخياطة !!!...
الكلام اللي قبل جد ماقد فكرت فيه .. إلا موقف الخياطة مريت فيه ... بس قامت تدعي لي وان شاء الله تخيطين الجهاز عندي ....الخ .. الله يجزاها خير

لكني بكل إختصار لست مقتنعة بهذا الخاطب .... ومن وجهة نظري إن القناعة بالزواج أهم شئ
عشان لاقدرررر الله صار تتش بعد الزواج مااقول ايييه عشاني مو مقتنعة صار كذا ..
بصراحة تمنيت إنه حب لي ماأحب لنفسه وتمنيته ما عارض الدراسة والعمل
وأنا تنازلت عن العمل وقلت خلاص اهم شئ الدراسة العليا
فياليت انه قال ادرسي وياليته قدر تنازلي وتنازل مثلي !!
لاسيما إني عرفت إن فترة دوامه من الثامنة صباحا وحتى السادسة مساء؟؟
وش المانع إني أدرس ؟؟ أول كنت أتعذر له وأقول يمكن يبيني أهتم بالبيت ويجي من الدوام ويلقاني مهتمة بالبيت
لكن دوامه حتى السادسة مساء !!!! يمديني أدرس وأجي و أنام وأقوم وأطبخ وأشوف البيت وهو ماجاء من شغله ..
حبيبتي .... بعد الزواج تقدرين تغيرينه .. وأعتقد هو من نفسه اذا شافك طفشانة بيقول دوري شي يضفك ... والله جد اذا كويس لا تفرطين فيه .. تقولين العمل أقدر أقعد عنه ؟؟ اذا كذا شكل وظيفتك مو رسمية ... خلاص اتركيها وتزوجي .. ترى نادر مايجي رجال مكمل دراسته ووظيفة جيدة
بعد كل ماسبق الكثير يقولون تو عمرك صغير ووووو (( مع إني أرى إني كبيرة )) ...
توك صغغغغغغغغغغغغغغغيرة ولا يهمك أحد .... وخلي شعارك ... طنش تعش تنتعش
أأدعو الله العلي القدير .. أن يسعدك في الدنيا والآخرة ويرزقك من حيث لا تحتسبين .... وكل من أمن بعد قراءة الدعاء