ايوااااااااااااا شفتي صووووورته ياسلااااام تطورات حلوه

وبعدين ترين الصورة مش مثل الواقع ...الواقع دايما احلى

ودام انه ارسل صورته فهذا شي حلو ودليل على جديته في الزواج

وفي مثل يقول لك اسأل مجرب ولا تسأل طبيب

وبحكم اني مجرب ياطويلة العمر فبقول لك شي ان شاء الله يريح بالك ويطمنك

انا امي خطبت لي .... وشفت البنت وماعجبتني .... وقلت لأمي اني ما ابغاها...مش حلوه ابد

وبعد شد وجذب من امي الله يعطيها طولة العمر وافقت انا وملكت... والحيييين مبسووووط وفرحااااان ومافي مثلي واشوفها قممممممر وحلووووه واحلى بنت في العاااااااااالم


لكن لما اروح لأمي واقولها بروح عند خطيبتي ازورهم ... احسها تزعل وتعصب ويتغير صوتها ويرتفع

لأنها تغار على ابنها ...هذا طبيعة ألأم ...مع ملاحضة انها هي اللي اختارتها لي وحاربت عشان اوافق

ولأن هم في الغرب واحنا في الشرق ومشوار حوالي 1300كلم

واقعد احب راسها ويدها واوعدها اني ماعاد اروح لهم وان زيارتي بتكون ألأخيره

بعدين ترضى على مضض وتعطيني تعليمات ..لاتعمل كذا لاتسوي كذا انتبه

وعلى بالك ان امها وابوها بيخلونك تجلس معها ,,,, والله ماتشمها

وانا اقول مش عشانها بروح ...لااااا بس بعيد عليهم واسلم واتفاهم مع ابوها في بعض ألأمور واقوم بالواجب واللي ربيتيني عليه


اللي ابغى اوصل له ان ام خطيبك المملوح تحبه وتغار عليه وماتبغى احد ياخذه منها



للأسف هذا الحاصل واللي اتوقعه

لكن اشوف الحل من وجهة نظري انك تستمري بالخطبه والشوفه الشرعيه واذا جات ام خطيبك

استقبليها احلى استقبال وهللي ورحبي (مثل ترحيبك هالحين في هالموضوع) وطيري فيها

وترين العجايز يحبون البنت اللهلوبه اللي تشتغل وتشيل وتحط وتصب القهوه وترحب وتقدم
اذا جاتكم الله الله فيها سنعيها اشربي ريد بول وقوي قلبك وفحطي قدامها وبدعي عشان ترضى عليك
ولاتنسين اول ماتشوفيها اطبعي قبله ع راسها ويدها ...ومثل مايقولون لجل عين تكرم مدينه
والخجل والهدوء وتمشين وتطالعين في ألأرض والدلع الزايد هالأمور كبيها واحذري منها
عشان بس ترضى عليك عمتك


والله يوفقك وعقبال مايكون موضوعك المقبل في قسم المتزوجين بس يكون شي مفرح مش شكوى