منتدى عالم الأسرة والمجتمع - عرض مشاركة واحدة - أصبحت لا أطيق زوجي ( أبوحكيم1)..

20-11-2011, 03:29 AM

عبرة مكتومة

عضو دائم

تاريخ التسجيل: Sep 2011

المشاركات: 80

شكرآ أبا حكيم ..

عذرآ لتأخري لأن سافر زوجي ورحت عند اهلي وماتمكنت أرد ..

اقتباس:

كم عدد بناته ؟

بنتين

اقتباس:

وهل لكل وحده من بناته 1000 ريال , أم شاملة لهن جميعاً ؟

شامله لهن جميعا

اقتباس:

هل يرسل لطليقته نفقة ؟

لا مايرسل لها

اقتباس:

هل يرسل لهن مبالع إضافية في الأعياد ؟

ايه يعني بدل مايكون المصروف 1000 يزيده يصير 3000

اقتباس:

كم نسبة إجمالي النفقة التي يرسلها لبناته وطليقته من راتبه الشهري ؟

راتبه 12,000
ويرسل شهريا 1000

طبعا هو ماقال لي كم راتبه بس مع اللف والدوران قال اي مستوى واي درجة ورحت وشفت سلم رواتتب الموظفين وعرفت كم راتبه >> كيد النساء ..

شوف الظلم والله ماكذبت العام الماضي عطاني لملابس الشتاء على قولته كسوة الشتاء 1000 ريال فقط ..
والصيف 1000ريال .. يقول عندك فلوس ..
وشريت للمولود عطاني 500 ريال فقط والله ازود من عندي حسبنا الله ونعم الوكيل ..

ولما جاء يسافر الثلاثاء قلت عطني فلوس بشتري كسوة الشتاء قال كم قلت أبغى 2000 طلعت عيونه قال لا تكفيك 500 ..
قلت شوف مو أنت قبل كم يوم زودت مصروف بناتك قلت السوق غالي لأنهم يشترون ماركات وأنا حرمت نفسي وتنازلت وتقنعني ماله داعي ماركات وأسكت بتعطيني 2000 يعني بتعطيني طلع 500 قلت الباقي قال ظغذا جيت اوديك السوق .. قلت نشوف باقي 1500 ..

أنا غبية قالها أول ماتزوجتنا بس ماستوعبت .. كان يقول وش نفعني قبل بالدلع .. طيب وش ذنبي أنا .. إذا هو أهدر مال على مالايستحق .. ذنبي إني كنت الثانية ليش كذا يعاملني.. حسبي الله ونعم الوكيل ..

ليت الزمن يرجع ورى كان بفمي المليان قلت لالالالالالا مابغااااه ,, لكن قدر الله وماشاء فعل ..

وإذا كنت بتقول خليه يمشي لك مصروف والله قلتله قال لالالا

فاتورتك أنا أسددها وأغراضك الشخصية انا أجيبها لك وملابسك أعطيك إذا بغيتي وشوله المصروف بس تجمعينه للهواء والشمس .. ورافض بقوووة هالرأي ..
والله تعبت معه ونفسيتي .. يااارب اسألك الصبر ..

مو على الفلوس .. ظلمني ,, يعاقبني بخطأ غيري .. دلعها وعطاها ومشاها وكل شيئ .. وياحظي أنا ..

لكن هي جملة وحده حسبي الله ونعم الوكيل