السلام عليكم ورحمة الله وبركاته اخواني الاعضاء

بصراحه ما اقدر ارد على كل شخص

ارائكم وحلولكم فعلا حلوة ومقنعه واغلبكم قال (طنش)

لكن انا من النوع اللي ما احب اطنش ... احب اواجه واحاور واقنع

واشكر كل عضو اساء الضن فيني وتوقع ان في نفسي شي لهذه البنت

وكي اطمئنكم انا اعمل في مجمع غالبيته نساء ومن اغلب الجنسيات العربيه والاجنبيه

وعلى مدار 8 سنوات لم افعل شيء يندي الجبين او يغضب رب العالمين ولا ازكي نفسي

وشهرتي وسمعتي عند زميلاتي اني شخص( ثقيل ورزين ومحترم)

عموما مش موضوعنا


اغلبكم طالبني بالتطنيش وحاولت لكن فشلت محاولاتي لان شخصيتي وتركيبتي عكس ذلك


القصه كامله او اللي حصل امس:

الساعه 12 ... الفتاه الجميله ترسل رساله من هالرسايل اللي فيها شوق وخلافه



مارديت


ارسلت رساله ثانيه قالت : شكلك مشغول




قلت : اي والله اني في الدوام ..... وانا صادق



المهم بعد اكثر من 30 الى 35 رساله توطدت العلاقه نوعا ما

وانا ابغى اوطد العلاقه واعطيها الامان لحاجه في نفسي

لحد يقول لي الشيطان بيلقى مدخل

انا همي اعرف هل هي من طرف خطيبتي او لا


بعدها قالت بتصل

قلت لها على الرحب والسعه

وفعلا اتصلت وتحاورنا حول ساعه ونص واعطيتها مفاتيح ألأمان ولعبت معها بأسلوبها وبجميع الاساليب
وبعد اخذ ورد وشد وجذب وعبارات مديح وثناء وغزل متبادل .... وبعد ماجرجرتها في الكلام
اعترفت انها من طرف حرمنا المصون



وقالت لي السالفه كامله وطلبت مني اني ما اقول لها

وقلت : افا انا اقول لها .... لاتخافي سرك في بير بس انتي بعد لاتفضحيني عندها واللي يرحم والديك

قالت : من عيوني



بعد ما اخذت اللي ابغاه وو صلت لمرحلة اليقين



قلت اتصل في حرمنا المصون


اتصلت وردت ... ودار حوار بين حبيب وحبيبه وكان باين عليها انها متغيره للأحسن
ولانها تستخدم معي اسلوب ملتوي قلت بستخدم معها نفس الاسلوب
وحكيت لها قصة البنت المزعجه من طق طق لسلامو عليكوووم
ردت ببرود وتضحك بينها وبين نفسها واحسها تقول( من جد اهبل) قالت: ماعليك منها
في بنات كذا

وانا اقول في نفسي ( لست الغبي كما افتكرتي ... لكنني مثلت دور ألأغبياء)
وقلت بعد : الحين شفتي حلم غثيتيني ... واقول وحده تطرد وراي ولا على بالك
قالت : واثقه فيك ياروحي




اكيد بعضكم بيزعل بيقول تصرفك غلط

انا بقول كان همي اعرف السالفه وش هي وما ابغى اضلم احد وابغى اكون على يقين وبينه عشان اشوف وش اسوي

حرمنا المصون اسلوبها تغير للافضل معاي


لكن ماتدري انها خربت بيتها بهالحركه السخيفه


اليوم بترسل صاحبتها بكره العالم وش راح تسوي