أنا ماأدري الموضوع حقيقي وإلا لا ... والله ماهو تشكيك لكن كل يوم يطلع لنا واحد بسالفه وفي النهايه يطلع واحد وده يستعرض مواهبه في سرد القصص ...
لكن نصيحة لوجه الله تعالى لا تتهور نهائيا... والله يمكن بطلاقك تعض أصابع الندم ... يمكن خطيبتك مظلومه في السالفه كلها .... وبيظل ذنبها وظلمك لها في ذمتك لين تسامحك ... بتظل حياتك كلها من نكد في نكد ...
بقلك قصة أختي ووش اللي حصلها ...
كانت مخطوبة لولد عمي وفي مرة من المرات صار بينها وبين بنات عمتي مشكلة ...
بعدها صارت تطلع عليها إشاعات وكلام ... وصاروا يطلعون كلام عن خطيبها وتجيها رسايل على الجوال وأنواع الترهيب لين تطلقت منه ... وماأنتهت السالفة كان لأختي صديقات مقربات لها فكانوا بنات عمتي يبون يفرقون بينها وبين صديقاتها .. راحوا لخطيبة أخوهم وقالوا إن فلانه تقول إن خطيبك كان يبيها ويحبها وإنها رفضته وبشده وإن كان راح يجن لما أنخطبت طبعا خطيبته على طول سوت مشكلة وصار اللي صار
وطبعا هذا كله كذب لأن الولد اصلا أصغر منها ولا عمرها فكرت فيه.... وتعال شوف المشاكل اللي تحاذفت على أختي من كل مكان وكل تدق عليها وحده ورسايل وتهديد .. تدري ليش لأنها كانت تثق فيهم تعلمهم بالصغيره والكبيره عن حياتها حتى جوالها أكثر الوقت لما يكونون عندنا معاهم ..
شوف كيف الغيرررة والحقد أعماهم ومستعدين يدمرون كل شيء ... لما دعت أختي على اللي سوى كذا بمرض السرطان ووصلهم الخبر ..جو لحدها واعترفوا وقالوا حرام عليك دعوتك تخوف وإحنا ماقصدنا ولاكنا نتوقع إنه بيصير كذا .. قالت خفتوا من دعوة المظلوم وش بتقولون لربي ..
يمكن بنت خالتها حاقده عليها وإلا غيرانه منها .... لاتقولي تربت وماتربت ياأخي في أخوات في بيت واحد هذي ملتزمه وقمة في الأخلاق والثانية على العكس تماما رغم إن اللي رباهم واحد لكن الله الهادي سبحانه وأصابعك مو سوى .. وأنتبه ثم أنتبه من الظلم ... واجهها وبعدين إحكم .... يمكن إن الله يبتليك بمصيبه أكبر .. .
__________________
أنّا تَرّانِيّ لَوُ قِسّى الوَقّتْ بِالذّاتْ
يِزدْادْ مَعَ قَسّوّة زِمْانّي ثِبْوّتِي ~