زوجي هو الوحيد اللي واقف معاي بمرض امي و انتوا كمان .. و كان اول، كل ماجاء بالليل و خلص دوامه ..
على طول انفرط بكاء و اقول له ( امي بتموت و مو بيدي اعمل لها شي، اول ابوي و دحين امي .. الخ )
و كان يصبرني .. بس دحين من اسبوع صار دوامه 16 ساعة و ماباشوفه غير و هو تعباااااان عالساعة 10 الصبح
و بعد شهر بيفضى لي .. فحاسة نفسي بأنكتم و انكتم و انكتم غصب عني ..

النونو يصحى عالساعة 9 الصبح، و مابيمديني اصلا اجلس مع زوجي من يوم زادت عدد ساعات عمله..
يادوب اغير للبيبي ملابسه و يرضع و يصحصح من نومه و يجي زوجي و اجهز له فطور .. و بعد شوي
اخليه ينام بس ساعتين و اخرج من الغرفة و اخد البيبي معاي عشان ابوه يرتاح و يصحى ولدي الكبير
و اجهز فطوره .. فما يمديني اشوف زوجي ..

*و الشغالة موجودة هنا و اختي و خالتي، بس اللي يقهر انه امي تناديني عشان اخدم خالتي ؟؟؟ و خالتي ماهي
كبيرة بالعمر .. و انا اللي عندي ولدين، ماحد بيساعدني ؟؟؟ و باسمع كلام امي عشان لا ازعلها
بس اخر مرة عصبت، و قلت مين المفروض يساعد التاني ؟ انا اللي معاي ولدين و لا احد يفكر يساعدني؟
( خالة جرين، في بيتي زوجي يحزن علي و يساعدني .. و قبل شوي ولدي يبكي يبكي يبكي و انا مشغولة باجهز له
رضاعته - قبل لا ينام اشربه قارورة - و لا واحد فيهم يقول هاتي ولدك شوي .. قلت بداخلي، يشوفوا بعد كذا.. باصير
مثلهم أنانية ) اختي الكبيرة نفسها تركب الطيارة و تجي تساعدني، بس امي ماتبغى احد زي ما قلتلك ..
و لا تبغاني اروح عند اي وحدة من اخواتي، و كانت رافضة اني اولد ببيتي

هذا اللي خلاني انقهر يوم قالتلي بتاني يوم من ولادتي، روحي بيتك ؟؟؟؟؟؟ مو كفاية ماحد بيساعدني ؟
زي كذا بتعمل امي، ماعرفت كيف أراضيها و اكتم .. حتى سالت امي مرة شي عن النونو ، قالتلي ماعرف ؟ نسيت كل شي

اذا مثلا لبست ولدي الكافولة بشكل خطأ، تجلس تنتقدني و تقول لخالتي .. شوفيها كيف عاملة الكافولة ؟
( طيب تعالوا علموني ؟ انا بحياتي ما ربيت طفل و لا اهتميت به ) ؟؟؟؟
لو النونو استفرغ الله يعزك، خالتي تقوم تقول كله بسببك ؟ سكتت و احترمتها بس امس زودتها خالتي حبتين و اليوم ما باكلمها*

--------------------------

خالتي مارفعت صوتي عليها .. بس من يوم ما جات تزور امي و هي تتدخل بحياتي .. كاني اشتكيت لها ؟ احترمتها كثييييير بس هي
زودتها امس و المشكلة انها تقوم امي علي، و امي بكل شي توافقها ..
فيوم زودتها، قلت لامي .. خالتي لا عاد تجيب اسم زوجي على لسانها ..
( هي حكاية طويلة، بس الزبدة انها تدخل نفسها باشياء ماتخصها و بحياتي الخاصة )
و امي تسمع لها المشكلة،. هذا اللي مضايقني بموضوع خالتي، بدل ما تهدي امي .. تقومها علينا ؟
بس دحين خلاص، بتعرف حدودها .. امي ماتسمع لنا و كل شي خالتي تقوله ( يعني صح ) ؟؟؟