اقتباس:
المشاركة الأصلية كتبت بواسطة رجل الرجال
ابنتي الكريمة :
يتضح من سطورك سكوتك كل هذه السنين على أمر آذاك نفسيا بشكل رهيب وحتى خروجه بالنسبة لك هنا مشكلة.
مهما كان هذا الموضوع خاص او مؤذي أو كاسر للنفس فهنا أسماء رمزيه ويسر الله لك الستر فأنثري ما في قلبك وفضفض بكل التفاصيل أو راسلي الأخت الكريمة مشرفة أقسام روح الأسرة لتخصيص موضوع لك على الخاص بيني وبينك بحضورها فقط..
بالنسبه للوالده حفظها الله فليست أنتِ في درجة أعلى منها لتحاكميها وتقيميها بل أدنى منها وإن كذبت أو أخطأت فزوجها والدك يؤدبها فيما يخص سلوكها وإن أخفت شيء عنك أو كذبت بشيء يخصك فلسبب لا تعلمينه ولو علمتيه لما أدركتي علاجه من زاويتها فتأدبي معها ولا تعيدي عبارة طاتاحت من عيني فهذا عقوق فهي ليست زميله في المدرسه او الجامعة بل والده أي باب من أبواب الجنة فلا تغفلي عن هذا وفي القرآن الكريم لوكانت تأمرك بكل قوتها بالكفر فأرفضي وصاحبيها في الدنيا معروف والله يحاسبها.
|
اشكرك اخوي على ردك واعطائك لي مساحه للتكلم او الفضفضه ..
فعلا انا تعبانه من داخل واخذ الهروب ملجأ لي من كل شئ لاني بكل صراحه ماعرف
اواجه .. على العموم اخوي امي كذبت علي ويمكن خاني التعبير بقولة طاحت من عيني
لكن للأسف ماعاد وثقت فيها ابدا ..
امي ياخوي العزيز عمري مارتميت ع صدرها وشكيت لها
امي ياخوي العزيز عمرها ماسألتني وش فيك وش مضايقك ؟
لمن تبغى مني شئ او شايفه ان فيه شئ بحياتي لازم يتعدل
ماتجيني ولا تتكلم معاي بهدؤ وتفاهم لا ولامره حصلت وسوتها ..
انا انسانه لييييييييينه والييييين بالكلام الطيب حتى لو على نفسي
ممكن اتنازل امي للأسف مو فاهمتني ابداااااااااا
تضطر تكذب وتسوي سالفه عشان أقتنع
مع انها مارح تتعب من اقناعي ابدااااااااا
ولا انا من النوع اللي لي كلمه للأسف عشان تلف وتدور
وتكون سالفه مرعبه مخيفه وفيها تهديد ووعيد بس عشان اخاف وارضى بسبب
خوفي لآ أكثر .. وبعدها لمن استرجع الموقف وبيني وبين نفسي اعرف انها .. مو صادقه
هالموقف استرجع لي مواقف غيره واتضحت لي صور
كثيييييييره كانت بنفس النمط وبنفس السيناريو ويمكن صغر سني ماكنت أعرف اعبر
او عدم انتباهي لها ماكان يحددها او يوضحها قدامي ..
عمري 24 سنه ومتزوجه لمن اتضايق ماتكلم ولا اعرف لمييييين اروح ولا أرتمي بحضنه
تمر علي مشاكل كثيره مع زوجي والله ولا مره قلت لأمي عنها ولا شكيت لها ابداااااااااااااااااا
لا هي ولا غيرها ...
انا اعرف امي تحبني وطيبه و ماتقصر ماديا ابدااااااا بس معنويا للأسف مافيه ولا شفته ....
لو ابغى الدنيا ومافيها اعطتني اياها بس كلمه طيبه ولمسه حانيه عمري ماشفته منها ...
وش ابغى بالفلوس والهدايا ووو وانتي وقلبك وعقلك مو معاي ؟؟؟؟؟
انا مره قلت لها قلت انتي للناس تعرفين تتعاملين وتعالجين مشاكلهم بس مع عيالك لا ..
قالت لاني أحبكم وصريحه تبغيني مثلآ أكذب عليك ؟؟
سكت وماعرفت ارد كنت اتمنى اقول يعني الناس تكذبين عليهم ؟
وانا اعرف انه هروووب من الاجابه لآ أكثر .. لاني اشوف بنات خالاتي وخالاتي
يلجأون لها ويآخذون برائيها والله العظيم كلامها معاهم بهدؤ وتاخذ وتعطي معاهم بكل هدؤ
ومشاكلهم تنحل
بس معانا لا عذرها انتم ماتمشون الا بالقوه .. وهو مو صحيح ابدا يمكن لو امشي بالقوه ماجيت اشكي
واقول هالشئ يتعبني بالعكس بحسه شئ فيني ومن شخصيتي وبآخذ عليه ..
عرفت اللحين اخوي مشكلتي مع امي .. انا عادي اقولها ع العام لآني ابغى حل ومايهمني
أحد يعرفني لآني تعبانه وابغى حل ...