ابتسامة القمر ..

وجودك يشرفنا و الله .. و كل الاخوات و الاخوان هنا ادري ما بيقصروا أبداً ..
بس لانه وقتي مرة ضيق، فخفت اقصررررر او أتأخر بالرد على اي وحدة و تزعل مني
*و انا و الله ما أقصد التطنيش.. و الكل على راسي ..

تعرفي زوجي يقولي، النونو اول ما ينام ناااااااامي و ارتاحي. اتركي منتدى الحياة الزوجية
قلتله مابادخل المنتدى غير يوم يكون صاحي و شايلته بيدي كم ساعة،.

بأقوم أفطر دحين قبل النونو لا يصحى و اشوف امي يمكن تكون محتاجة لشي..
الشغالة تقوم بعد ساعة ..

خالة جرين معليه تعبتها، لكن كلامها بيعطيني القوة اكثر ..
تدري اني اطالع باولادي الاثنين و اقول بداخلي ؟ أنا يوم أموت كذا بيتعذبوا و يتعبوا ؟
صرت اخاف اني اتعلق باحد و الموت ياخذه مني ..

صرت خايفة على اخواتي و اخواني، اولادي الاثنين و زوجي .. امس زوجي بيروح جدة مع
الموظفين يومين عشان دورة عمل، اسلم عليه و عيوني حمرااااااااااااا
يقولي ايش فيك ؟ قلتله خايفة عليك.. انتبه على نفسك، البس حزام الأمان و اقرى أدعية ..

خالة جرين امي كل شوي تعور لي قلبي، كل شوي تقول إذا مت .. فالفلوس بالمكان الفلاني
تبع اخوك، كنت أجمعها له يوم يعطيني و يبقى منه.. لا تنسي تعطيها له
اذا مت، اجلسي انت بالبيت هذا و لا تتركيه ..
اذا مت، اخوك الصغير ( عمره 18 ) انتبهي له ... الخ
كل ما افتكرت شي، تقوم تقوله لي و انا قدامها زي الحجر و من داخلي قلبي بينزف و بس يجي الليل
و اشوف زوجي، خلاص انفجر بكاء كانه احد ميت و ينفجع علي .. و دحين دوامه طويييييل لمدة 25 يوم
و اضطر اكتم و اكتم ..

امس اختي الكبيرة تسألني بالتلفون، ماما تعبانة ؟ قلتلها ايوة ..
قالتلي انه نفسيتها تعبانة لانها من اكثر من شهر ماهي قادرة تسمع صوت امي ( لانه امي مابتكلم احد )
اختي كان عندها امل انه امي تتعافى، و تسألني متى جلسة الكيماوي ؟؟؟ قلتلها خلاص وقفوه من زمان
قالت: يمكن معناه انه جسمها بيتحسن ؟
رديت و قلت : لا ... الكيماوي يوقفوه اذا ( مافيش امل بالعلاج ) <-- ابغاها تفهم اللي اقصده ..
لانها ماشافت امي من رمضان و امي ماتبغى احد .. و لو شافت امي دحين، اكييييد بتنفجع

قلت لاختي اذا نزلتي لهنا، شقتي فاضية .. اجلسوا فيها انت و زوجك ..

باقوم أفطر و اخلص اشغالي دحين قبل لا يصحوا الاثنين ..