أسفة تاخرت بس امس اول مانام ولدي بالعصر، نمت انا كمان ..

امي امس تعبت كثيييييييييير و اخوي أخذها للمستشفى مع اختي اللي اكبر مني من الساعة 1 و نص الظهر
و اخوي الثاني نزل كمان و اختي الثانية راحت لهم المستشفى و لحد الساعة 10 الليل جلسوا هناك بالمستشفى
مع امي .. و تنومت امي لحد اليوم و اختي جلست معاها و البقية رجعوا ..

عملت اللي قلتي لي عليه خالة جرين .. دقيت امس على اخوي المغترب و سألته متى اجازتك ؟ و كيف اختباراتك
النهائية .. بعدين سألته اذا بينزل بالإجازة و لا لَا ؟؟؟
قال لي احتمال ؟ مو اكييييد ..

سألني ليش ؟
قلت له: بس ماما تعبانة و حبيت اقولك عشانك بعيد و لا تقول ماحد قال لي ..
قال لي: يعني تعبانة ما بتاكل ؟ و لا تنام ؟
قلت له: تعبانة، بس المرة هذه غييير .. حالها كل يوم يزيد للأسوأ .. و حيلها مرة مهدود
حبيت اعطيك خبر ..
قال لي: طيب ان شاء الله ..

و كلمت اختي اللي مسافرة كمان، قلتلها ماما بالمستشفى .. سألتني ايش فيها ؟
قلت لها تعبانة مرة .. و من الظهر هي هناك و كلهم معاها و انا لوحدي بالبيت مع الشغالة
و الولدين .. و مادري ايش صار معاهم ؟
المهم، قالت لي باحاول انزل الويك اند هذا.. لازم اشوف ماما .. مرة قلقانة عليها ..
قلت لها: بس ترى ماما ماتبغى البزورة و ماتتحمل غلبة الاطفال .. مو بس معاك، مع الكل ..
و قالت بتترك اولادها مع اهل ابوهم و تنزل يومين هنا لانها من قبل رمضان ماشافت امي ..

و ان شاء الله اليوم اذا كلمت اختي اللي هنا، باقترح عليها زي ماقلتي لي .. انها وقت تجي تزور
امي، تترك اولادها عند اختي التانية ..

لاني افتكر كمان، امي مرة قالتلي.. اخواتك يجوا هنا و بدل ما يجوا عشان يشوفوني
كل وحدة مشغولة مع اولادها و ماتفضى ..

خالة جرين باقوم أفطر .. صاحية من الفجر ..

------------------------------

خالة جرين، سؤال خارجي ؟
ماني عارفة كيف أحمم ولدي ؟ كنت استنى سرته تطيح و تتعافى و بعدين احممه مع اختي
بالويك اند .. بس شكلها اختي ماحتفضى لي، لانه الكل مشغول على امي ..

و ولدي سرته طاحت من اسبوع و تعافت الحمدلله .. و خالتي ما أكلمها من هذاك اليوم ..
و اصلا هي تقول، نسيت كيف أحمم الاطفال ؟

سؤالي اقصد به، بس احممه بشامبو جونسون ؟ اخاف يتزحلق من يدي ؟ و الشغالة عندنا
خوافو و ماتعرف تشيل الاطفال .. و الجو عندنا بدأ يبرد ..

شكلي بأستنى زوجي يرجع بكرة و باقول له يحممه معاي، أحسسسسن شي .. مع انه ما راح يرضى
لانه مايحب الاطفال بالعمر هذا ؟ و لا يحب يشيلهم بالعمر ذا ..*