مع بداية السنه الجديده

بجمع كل شي حلو وباخليه من صفاتي لكن بمنظوري الخاص
مثلا باكون طيبه لكن ما احد يستغلني ويلعب علي
وبغير عنادي وبدل ما اعاند اللي حولي ونفسي بعاند لحد ما اوصل لطموحي واللي ابي
باترك السب اذا انقهرت من احد لانها تدل على اني جبانه وضعف شخصيتي وقلة حيله وان ما نطقت بها بوجه ما اذمه بظهره

مافيه كسل وتسويف لانها تضيع العمر وانا محلي
ما باغير شي انا مقتنعه به مهما كانت الظرووف

لاني جربت وغيرتها وطلعت انا الصح وندمت على تغييرها
كنت اقول لا للاعتذار مهما كان وحصل واعتذرت وللاسف الشديد اكتشفت ما فيه احد يسوى اعتذر له عشان كذا ما بعتذر من احد
حتى لو غلط لان الناس يغلطون باي شي وما يعتذرون

وكنت متمسكه بان السر ما يخرج من شخص واحد مهما كان وحصل وغيرت وقلت سر لشخص قريب وما حفظه وجربت مره ثانيه لغيره وبعد ما حفظ واللحين برجع ولا راح اتنازل

وسابقا اقول لا للشراكه باتفه شي لانها تجيب المشاكل ووجع الراس وكمان تركت قناعتي العزيزه ووافقت اشرك احد بحياتي وتنازلت عن اشياء متمسكه بها بكل مافيني وكماان رجعت وما باتركها

وكنت اقول بعامل الناس زي ما يعاملوني وغييييرتها وعاملت زي ما احب يعاملوني وكمان ما استفدت وما بين وبرجع كما كنت

وفيه اشياء عكس
كنت اشوفها صح ومقتنعه فيها وطلعت غلط

قبل اهلي واقاربي صادقين واعتز بهم وهم كل شي اللحين لا اذا بصدق بصدق نفسي واذا باعتز باعتز بنفسي

الصداقه كل شي بعد الاهل واحترام ومراعاه اللحين ما عاد ابي اراعي الا اللي يراعيني والباقي بحريقه
وش علي هذا تفكيرهم وانا بعاملهم بنفس الشي

امشي الاغلاط على اساس كل واحد وتفكيره وشخصيته ومستوى قدرته على التعبير وارقع لهم وحاليا لا والله لو انه اهبل ما امشيها له

بغلط وباصحح لنفسي وانسى وباتذكر ان شاء الله لحد ما اوصل للي يرضيني ويريحني ويمسك اللي حولي حدودهم حتى لو اسوي عكس اللي تعودت عليه

وبس هذا نظامي الجديد لهالسنه واللي استفدته من اغلاطي بالسنه اللي طافت وتجربتي

وكل سنه وانت طيب

__________________
... هذا المستخدم لم يعد موجودًا...~ حللونا ~

همسھٓ ....
إن مرت ذكرايےّ علےّ قلوبكم فاذكرونيےّ بدعوھٓ فيےّ ظهر الغيب..