حبيبتي محبة القرآن ... اسمحي لي على التاخير في الرد ...

شوفي اذا كنتي متوقعة ان التغيير بيصير بيوم ولا يومين فانتي غلطانة حبيبتي ... لانك انتي واولادك متعودين على روتين
معين وعادات معينة ما تتغير الا بالتدريج ... ابدئي خطوة خطوة ... مثلا ركزي لمدة اسبوع على تغيير مواعيد نوم
العيال وانا قلت لك قبل انك بتتعبين فلازم يكون عندك استعداد على التغيير وعزيمه ... والعزيمة تطلع من داخلك ما في
احد يقدر يحطها فيك ... شدي حيلك حبوبه وتوكلي على الله ... لان مو معقولين تعيشين بهذه الطريقة ..

ابدئي بالاطفال ... وطبقي الفكرة اللي قلتها لك ... دخليهم الفراش على الساعة 7 بالكثير 7 ونص ... بعد الاكل
والاستحمام ... وخليهم بيرفضون وبيعاندون بالبداية بس اصمدي علشان تحصلين نتائج حلوووه ...
لا تبدئين بكل التغييرات مرة واحدة ... لا ... خليها خطوة خطوة ...
اذا انتظم نوم العيال بتقدرين تتفرغين لنفسك وزوجك وبيتك ... لانهم ما شاء الله هم اللي يشغلونك عن كل الامور ..
من الحين عوديهم على النظام حبيبتي ولا بعدين وايد بتتعبين ... بقول لك عن تجربتي : عودت العيال من هم صغار
على النوم المبكر يعني الساعة 7 هم في سابع نومه ... ترتيب الفراش كان من عمر 4 سنوات حتى لو ما كان الترتيب
كامل بس على الاقل يتعود على الترتيب ... بعد الاكل والشرب الاطباق كلها في المطبخ وفي مكان مخصص ..
المكان اللي يلعبون فيه لازم ينظفونه ,,, فعوديهم حبوبه من الحين بتتعبين لكن بإذن الله بترتاحين بالاخير واعصابك
بتهدأ ... والله اني ما جبت شغالة طول فترة زواجي 12 سنة الى الان لانهم مخففين علي ... والحين مع التوائم
بعد ما جبت شغالة لاني ما احتاجها في شي الحمد لله ...
يالله حبيبتي ... خلينا نبدأ هالاسبوع مع الاطفال وانسي كل الحاجات الثانية ... واذا حبيتي تنقلين لنا الاوضاع والتطورات
فاكيد نحن مستعدين للمساعدة والتشجيع ...

وادعي الله دائما ان يوفقك ويعينك ... ربي يسعدك