ياهلا بالأخت الفاضله لاتظلمونه الله ينصرك وينصر بك عباده
مداخلتك طيبه و ممتازه بالحيل الله يزيدك من العلم والفهم والحكمه
فتحتي عيني على مسألة اني اجلب لهم هديه بسيطه خلال مرحله التعرف -الي يسمها البعض خطبه او انها يجعلها من خلال الخطبه وهذا خطأ عظيم بنظري- و بالهديه ربما انها تكون اهون عليها مسأله غض النظر عنها
انا والله مقدر الاشكاليه عندكم يا البنات وعارف انكم بتتأثرون لاشك خاصه اذا كان الرجل بنظركم مناسب وممتاز ,,, المشكله اذا هو ما يرى ان هذي البنت هي خياره
يعني الحاله هي كتالي:
-البنت تشورف الشاب و يعجب بها ايما اعجاب من كافه النواحي بعد التعارف بينهم لكن البنت تتردد وترى ان الشاب ما ينفع يكون زوج لها لاسبابها الخاصه ,, في حين رفضها له او صرف النظر عن الشاب ,,, الشاب وبكل اريحيه يتقبل و ينصرف بحكم انه رجل
-نفس الحاله لكن في هذي المره الشاب لا تعجبه البنت ,,, هنا اشكال
هنا الحساسيه الي ما ابي اضر البنت فيها وهذا الي انا متخوف منه الان
ما ابي اجرحها ولا بشعره ,,ولا ودي اتصنع لها و ابين لها على غير ماتبي مني
لهدف ان تصرف النظر هي عني (مع اني صارف النظر عنها) لكن ما ابيها تجي مني ابيها هي الي ترفضي ولا ارفضها وتتأثر
والله ودي القى حل اتمنى لو اني اقدر اتصنع بس ما اقدر اعجز مستحيل,, ثمن حتى لو يمكن في بعض الاحيان تقول عادي الشكوى لله ولو ابيه
هنا ماعاد ينفع الا ان صرف النظر يجي من طريقي وهذا الي ما ابيه ,,
لكن مثل مابينت الاخت الفاضله "لاتظلمونه" يمكن الهديه تغير من الموقف شوي ,, المهم ان فيه شي يعني يهدي خاطرها ,,, مع اني مازلت ماني مقتنع اني ارفضها صعبه والله

ماشاء الله عليك يا "لاتظلمونه" والله ماقصرتي في المداخله الطيبه هذي ,, مسألة الهديه او مايقارب الشبكه حلوه ومناسبه مع بقاء ان الموضوع حساس بتأثر الفتاه
ودي لو ان انها تسوعب هذا الامر لكن بطبيعه نفسيتها ما تقدر تتخطى هذا الشي بدون تأثر وهذا بلاي ,,, والله مليت صراحه امي قطعت قلبي ابوي اخاوني والله احدهم بكى يقول تكفا تزوج ,,, موقفي حساس جدا ولا ابي اتزوج على مزاج الاهل نهائيا
ولكن مجتعمنا ظالم جهول ,, يبي الحسب والنسب و هالحسب والنسب صعبه تردهم بعد الخطبه
وانا مااقدر اتعرف عليها قبل الخطبه ,, فلو خطبتها وتعرفت عليها و نسيت امر سلم الاهل و اعرافهم وتقاليدهم في مثل هذي الضروف والله ما تهون على البنت والله ولذالك انا احس اني صاير هم لغيري مليت والله طقت معي من هالوضع الغبي
ياليت لو مؤسسة ابن باز تساهم في تعارف الازواج قبل الزواج ياليت والله ,, او مثلا يكون فيه برنامج حكومي وفيه المشايخ مشرفين عليه يساهمون في التعارف بين الشباب والشابات لاتهمني الطريقه بقدر مايهني الهدف المنشود
ومره اخرى شكرا جزيلا على مداخلتك الرائعه