شكرًا لجميع المداخلات ..

بابا المستشار / السلام عليكم

أنا حاولت تطبيق الدرس اللي علمتني اياه لكن ما قدرت
انت قلت لي اعبر لأي شخص عن اللي يضايقني منه و لا اخلي الموضوع يضغط عليه
و لا حد يتجاوز حدوده معي ..
لكن أنا ما قدرت أبدا احس أني جدا ضعيفة

يوم الاربعاء كنت عن أمي ، طبعا ماما مو موجودة وقتها ، فرحت أنا وجهزت الغداء
طبعا هذا ممنوع عند أمي أني ادخل المطبخ الشغاله هي الي تسوي كل شي
لكن أنا لانها مو موجودة قلت أنا بجهز الغدا ، امل من عرفت ما خلتني بحالي
كل شوي تعطيني تعليمات ، فكنت اريحها و أقولها طيب ..
لكن تعيد الكلام اكثر من مرة خائفة تجي أمي و تعصب ..

بعدين عصبت عليه وقالت لي انت باردة و ما تفهمي و الا اذا جت ماما .
قلت لها أني مو صغيرة واعرف ايش اسوي ..

جهزت الغدا و أنا و امل و اخويا جلسنا نتغدا ،، انكب العصير علي امل فعصبت علي بالها
انه أنا اللي كبيته لما شلت الصحن ، جلست تصارخ عليه و تسب ، أنا أبدا ما قدرت ارد عليها
هي اقوي مني بكثيير و أنا جدا هادية ، اخويا رد عليها و جلست تصارخ عليه و تخاصموا
أنا ما قدرت أتكلم نهائيا و كل اللي قلت انه مو أنا اللي كبيته عليها ..!

تضايقت جدا من صراخها و كلامها بس كالعادة ما تكلمت رحت غرفتي ابكي ..
و كمان كنت بعتذر لها عشان لا تزعل و عشان تبطل كلام يضايقني ..!
أنا ضعيفه ادري و لا اقدر ارد علي اي احد يغلط عليه ..
الا أني ابكي وبس ..
امل قويه جدا وانا عندها اشعر بالضعف..
حتي بابا ردت عليه تصارخ لما سألها ايش فيه ،، سوت ضجه كبيرة فضحتني فيها

أنا ما اقدر افرض علي حد احترامي خاصة أني اخجل أتكلم او اعبر عن شعوري
و حتي لو تكلمت وقالوا لي لا او غلط ،، خلاص ما أناقش استسلم مباشرة !
يمكن لأني تعودت كذا من أمي و إخواني و خاصة أني الصغيرة بينهم والكل كان يمشي
كلمته عليه ..

أسفة أني طولت مع أني حاولت اختصر ..
*