اذا عن وش جنيت مانكر محبة الجميع
لكن اخذت على راسي بقدر محبتهم
واهم شخص ابي منه لو شي بسيط للي اسويه يجحد احيانا ويقابلني بتذمر
حتى لقلت وودي تتغير شوي يافلان انا موب مقصره بشي قال هذا طبعي ماقدر اتغير
تتدرين وشو طبعه صامت ينطق الحجر ماينطق عنيد مستحيل يسوي الا اللي براسه
كسول عن طلباتي انا وطلبات بيتي انا اللي اسوي اغلب الاشياء كاني انا الرجال بالبيت
وفوق هذا لو يجي اي تقصير ماقصر فيني من التهزي والكلام اللي ماله داعي مايحب يعترف اني زوجه ناجحه بكل المقايس
اطفالي موب مسئول عنهم نهائيا انا اذاكر وانا اشوف ويش ينقص
وهوماعليه الا ينقد لو شاف اي شي
والله اني موب مقصره معه بشي ابدا بس هو في جفاء عجيب بس عندي وعند العالم لا والله لدرجه وامه تقولي ياحظك بفلان هادي وطيب ومايطلع منه العيبه محد مثل وليدي
مانكر انا انه طيب في بعض الاوقات بس فلان يصارخ على الفاضي والمليان وان زعل على اي احد برى البيت حط حرته فيني انا حتى مره قلت لها والله يمه فلان عصبي ويصارخ قالت مستحيل وليدي واعرفه تعجبت وربي تكذبني
طيب لو علمتها باسراربحياتي ماطلعتها لاحد مايعلمها الا فاطر السماء والارض لو وحده غيري جابت اهلها
وتصرفة كزوجه حكيمه وانا مانيب اكبر الناس ولا احد يعرف باسرار حياتي
ولاانيب مقطوعه من شجره والله لو يدرون اهلي بجزء من مشاكلي ولمعلوميه ماذكرتها وشهي هنا
كان مايسكتون
والحمدلله رغم ماحب اكتب بس مضطره ابي اقولك ان كل شي عند زوجي بس هو مدري كيف
اخلاق ودين عنده اخذني حافظه جزء من القران
وجمال ياربي لك الحمد
وحكمه والحمدلله وصبر والحمدلله وشيبي بضبط انا مدري
وانا والله ياختي ابي اتغير وتحسبين موب مضايقه اني اعطي بلا حدود ومااخذت غير التعب حتى محبة الناس اللي جنيتها
موب كفيله تعالج جراحي من زوجي ولا من اهله والله لو اسوي زله بسيطه نسو كل اللي سويته وقلبو علي هم قالبين علي من غير سبب ودوم هو واهله بعد يكسرون مجاديفي وحتى اي نجاح بحياتي ينسبونه لاي احد غير بجد عجيب امره وامرهم وامري انا اللي موب عارفه اصير سنعه وقويه واهذب هالعاطفه وتكون لا افراط ولا تفريط
لاتقولين مابي اتغير لا والله ابي لكن كل ماحاولت ماقدرت
في اشياء لو اقولها تقولين غبيه
والله لاشفته نايم وشكله تعبان والا ياكل احس قلبي بيتقطع وعيوني تدمع واحن عليه كثير كانه طفلي
والا لاشفت امه والاوحده من خواته تعبانين والا بعد فتره نفس الشي يكون شعوري
مدري ليه انا كذا وانا مريضه والا الناس مرضاء والا هو غباء والعالم اغبياء وربي اختي ابي اكون غير بس ابي مساعدتكم بعد الله
يارب يالغلا فهمتيني
مودتي لك