المشاركة الأصلية كتبت بواسطة روح الطير

جزاكم الله كل خير .. و خاصة أبلة بيتا حبيبتي ..
احنا لبعض أهل يا روح حبيبتي
أمي بالمستشفى، المستشفيات الخاصة رفضوا يستقبلوا أمي .. قالوا مانتحمل نحن مسؤوليتها
و حولوها للمستشفى الحكومي.. مادري ليه ؟؟؟

صح الأجهزة بالحكومي افضل و خبراتهم، بس النظافة مو قد كذا ..

كلهم زاروا أمي، و يتناوبوا بالزيارة .. و اختي من رمضان ماشافت أمي عشانها ساكنة بعيد
عننا.. تقول لي امس .. و الله لو انه اخويا ماشفته دخل لغرفة أمي، كنت راح أحسبه غلطان
بالغرفة، تقول ماعرفت أمي .. مررررررة نحفت و تغيرت ..

يعني أمي كان وزنها قبل المرض 100 كيلو و مرات تنزل 97 .. بس دحين وزنها انحف مني ..
أنا وزني 47 ، هي انحفففففففففففففف مني بكثيييييييير ..
ربي يجعله كله بميزان حسناتها
أمي ماتبغاني اروح لها المستشفى، عشان النونو .. و اليوم مسكينة أمي مو قادرة تتكلم و تفاجآت
بالصبح باتصالها، تقول لي:
انتبهي على ولدك، الجو مرة بارد و دفيه كويس ..
تحبك يا روح .. امك تحبك وتحب كل شيء منك .. الحمد لله أعطاك فرصة برها وكسب رضاها
بعدين قالتلي:
تخيلي؟ أنا زي ما أنا لحد دحين.. مرة ماعندي حيل ..

ماحبيت اخليها تتكلم كثير و تتعب، و دايم اقول لها.. قولي الحمد لله ..
ربي يحبك .. و ماحد مرتاح بالدنيا هذه، حتى ولدي هذا مو مرتاح ..
سرته طاحت دحين، و بيدخل بهم جديد .. بعد كم يوم نطهره ان شاء الله
ماحد مرتاح يا ماما ،، جيبيلي اي واحد مرتاح بالدنيا هذه ؟
عالاقل نحن أحسن من الكفار، نمرض و ناخد أجر .. مو مثلهم
كويس ... صبريها .. ما شاء الله عليك .. كلامك حلو

لحد دحين مادري متى تخرج من المستشفى .. لو بتجلس لحد بكرة ..
باقول لاخوي يأخذني لعندها أشوفها .. ماتحمل أغيب عن أمي اكثر من يومين
من زمان أنا كذا مع أمي، اكثر وحدة أنقز لها و أغثها ..
روحي زوريها يا روح .. لا تتأخري عليها
اليوم قمت مفجوعة من حلم شفته، عارفة تفسيره و ادري انه يتعلق بأمي ..
على طول ارسلت لزوجي رسالة و هو بالعمل.. الله يخليك خرج صدقة لأي شخص،
شفت حلم خوفني على أمي ..

خالة جرين ..
مرات أحاول اكذب على نفسي و اوهم نفسي انه مافي ولاشي ..
انشغلت مرة مع ولدي و ماقدرت ادخل ارد .. و اليوم حممته و صايرة ريحته تجننن

شامه الريحة من هنا ههههههههه تجنن
لا تشيلي هم الردود ... المهم تدخلي تطمنينا بين فترة وفترة .

و ربي يجزاكم كلكم كل خيييييييييييييييير يارب ..
و سامحوني، كل مرة جاية بتعب و مشكلة ..

مرة مشاكل حملي، و دحين أمي .. الخ