اليوم أمي دقت و سألتها، بأجي أزورك .. قالت اجلسي عاقلة لاتجي ..
امي مرة تخاف عالاطفال بالعمر هذا ..

المهم، امي كلمت اخوي و قالتله تبغى تخرج من المستشفى و تجي البيت
و بكرة بتخرج ان شاء الله.. اصلا جلوسها بالمستشفى مامنه فايدة غير
المغذيات ..

اليوم قالي اخوي بالضبط حالة أمي، انه الكبد كل ماله يتآكل و الورم انتشر
للقولون و الرئة و الكبد .. و اخر شي بيوصل للدم و ينتشر بالجسم ..
مادري كيف بيتحمل جسمها كل هذه الاشياء ؟؟؟

أمي تدري بمرضها، بس ماهي عارفة انه خلاص مافيش امل بعلاجها ..
مرات تقول: مادري؟ حاعيش كذا طول عمري خلاص بالفراش ؟
و مرات تجلس توصي اخوي، زي قبل امس اخوي يقولي انها جالسة
توصيه بالمستشفى ..

و أخواتي البنات مايدروا بالضبط حالة أمي، بس عارفين انها كل مالها
تتعب .. بس مو عارفين الورم فين ؟ و شايفينها كل يوم بتتعب عن اليوم اللي قبله

.
.

باقرى كل ردودكم، بس مابأقدر أرد عالكل لأني بادخل شوي كل ما ولدي نام ..
و ما اصدق انه ينام عشان اقوم اعمل لي لقمة لنفسي و لا أأكل ولدي الكبير ..

ماني عارفة ايش بيدي اعمل لامي ؟ اجلس كذا اتفرج عليها و هي بتختفي ؟
اكره نفسي و ألوم نفسي، أني عاجزة عن مساعدتها ..

*
أحبكم كلكم.. و ربي يكتب لكم الأجر كلكم بوقوفكم معي و مع أمي ..
و مافي اغلى من الدعوات ..

خالة جرين.. حممت ولدي عشان اختي نزلت يوم واحد و رجعت لمدينتها
فاستغليت وجودها و حممناه مع بعض .. : )