اشكرك على استجابتك السريعه

ننتقل من البيت مستحيله هالفتره
تبغين الصراحه .. ما اظن نستقل بسبب امه ... هالشي انا متأقلمه معه حاليا

موضوع شهر العسل اتحسس منه لان لما انخطبت .. انخطبوا 4 بنات من عيلتي فنفس الفتره
فصار الكل يعلق علي لاني الوحيده اللي ما سافرت
انا صار الموضوع احال اخليه عادي عندي لان زوجي وعدني نسافر ع شهر 5 وهالشي مريحني كثير لانه يريد يعوضني
ومشكلتي ما اعرف ارد على التعليقات السلبيه فنفس اللحظة وبس احتلي بنفسي تبدا عندي الضيقه
لاني ببساطه ما تعودت على احراج احد او اني اجرح احد
اصلا لو بغيت اجرح احد يبيلي اجلس جلسه مع نفسي عشان افكر كيف اجرحه !
دايما كنت اقول لنفسي انو اذا تكلمت فلحظة غضب ممكن اقول كلام اندم عليه .. فصرت ما اعرف ارد

عموما نرجع للمشكلتي الاساسيه
ما عارفه احط حدود فعلاقتي معها
يعني بيوم اكلمها عادي وفيوم ثاني اول ما اتذكر اللي سوته فيني احس مالي خاطر حتى اشوف عليها
متذبذبه بين علاقتي القديمه فيها وبين اخطأها فحقي

للعلم هي تقريبا تزورنا 2-3 ايام بالاسبوع !

صايره اتمنى اصير وقحة بالتعامل مع الناس لان الوقح الكل يخاف منه ويحترموه غصب .. ع الاقل قدامه .. اما الطيب ينضحك عليه !

استحملوني .. بس صدق بعد ما كتبت امس الموضوع حسيت براحه كبيره ونمت على طول