منتدى عالم الأسرة والمجتمع - عرض مشاركة واحدة

29-11-2011, 07:25 PM

أم الشبل الصغير

كبار شخصيات المنتدى

تاريخ التسجيل: Jul 2004

المشاركات: 1,652

أخي على علاقة بفتاة ..

مساءكم

من فترة كنت أشك بأخي أنه على علاقة مــا ..
ولكن ما أحببت أن أنقب في أشياءه حتى أقطع الشك باليقين
لأني ــ أحب هذا الأخ ولا أريد أن يقع من عيني

ــــ
كنت ألاحظ إتصالاته المطوووله ... مع تغير في نبرات صوته ..
حتى بالسفر كان يضل يكلم بالساعاااات وهذا أول مؤشر شك عندي

اليوم
طلب مني عمل فورمات للآيفون و أنصب له برامج ..
اعطاني الجهاز وخرج .. >>> هذا عشان ما أحد يقول ليييش تفتشين

جلست أضبط جهازه وأحط وأشيل لين وصلت للصور فتحت المجلد ..
بدأت تظهر لي صور مخله شوي
و كل شوي تطلع لي صورة أدهى وأمر من أختها
حتى وصلت لصورة فتاة بأوضاع مختلفه ..
وإبتسامات خلابه ..
و المصيبة صور لملابس داخلية

ثم صور لأغراض أنثوية ..
شنطة ع السرير ..
عطر ع التسريحة ... الخ
خرجت من المجلد وطوالي للواتس آب ..
حاذف كل الجهات عدا جهة فتحتها ومثل ما توقعت
كلام غزل ما شفته بحياتي و لا أتخيل أخي يعبر بها ...
والصور الموجودة بهذا الرقم هي صور البنت نفسها

أخذت رقم البنت وحفظته عندي ...

ولما جاء يسألني هاااه ألوان بشري ضبطت الجهاز ..
كنت أتمنى أرمي الجهاز بوجهه وأقوله كم كلمة
بس الحمدلله مسكت أعصابي للأخر
و قلت له معليش يالطيب
مايمدي الحين وتحججت أني مشغولة .

أخوي مو صغير عمره 25 ..
و حاليا يفكر بالزواج .. ومستحيل طبعا يتزوج هالبنت ..
لأنها بلا شك غير صالحة بنظره هو

الآن أفكر أدبر لي رقم .. وأرسل للبنت كم رساله أو أكلمها بنفسي .. شفقه لا أكثر
لأني متأكده لو تركها أخوي بيدور غيرها

..؟؟

لكن هل أصارح أخوي .. وأذكره أن عنده اخوات !!
(( وكما تدين تدان ))
علما أنه طيب لحد السذاجة ..
وحبيب .. و خدووم .. ومهما أساء له أحد ما يرد له إساءته ..

{ بعد اللي صار ماودي أكلمه ولا أحط عيني بعينه .. وبجلسه وحده إختلقت معه أكثر من مشكلة وهو متعجب مني

}

ما أبغى ردود محبطه .. لا تقولون كل الشباب لهم علاقات .. مهما كان هذا منكر ولازم نغيره ..

اقتباس:

المنكر لم ينتشر إلا لأنّ واحدًا فعل , والآخر سكت ..!كما قيل

لكن أبحث عن أسلوب سليم و لبق حتى ما تكون النتائج عكسية ..
وأخي سهل إقناعه و إستمالته ..

__________________
ي رب رضاك و الجنة