حبيبتي يا ذوق ... لمتى بتظلي تواجهي كل شيء لوحدك ؟؟؟ ليه ما عندك احد يساعد ؟؟؟ وين خواتك عنك؟؟؟

ما عندك أخت عاقلة تثقي فيها تقدر تكلم والدتك بدون ما تسوي مشكلة ؟؟

اذا ما في أحد يفهمك يقدر يتدخل كلمي والدتك انتِ ... مرات الواحد يحتاج يسمع الشيء حتى يشوف ويفهم
قوليلها .. ماما لا تخافي حبيبتي .. يوم أتزوج ما راح أنساكم ولا أبتعد عنكم ... حتى لو سكنت بعيد بزوركم كل يوم وبتكونوا ببالي على طول ... حطي راسك على كتفها وقولي لها .. خايفة يا أمي يا حبيبتي .. خايفة يمر الوقت وما نفتح عيوننا الا وانا عانس..
لا تنتظري منها جواب ... كأنك كنتِ تكلمي نفسك .. قولي الكلمتين وغيري الموضوع أو قومي لشغلك
أكيد عاطفة الأم وحبها بيتحرك ... بس تحتاج تذكير

لا تسوي جو البيت ... اشتغلي أقل قدر ممكن من شغل البيت ... وروحي غرفتك ... لا تكلمي احد ... لازم يحسوا فيكِ .. خل يفهموا انه ما في جو من ذوق سواء تزوجت أو لأ فالأحسن لهم يزوجوها .

الله يهديهم ويسخرهم لك ... ادعي يا ذوق ... صلي باللليل وادعي رب ينزل بنص الليل للسماء الدنيا ويسأل هل من سائل فأجيبه .. اسأليه من فضله ومن توفيقه ... رب أرحم فينا من أمنا وأبونا

__________________