يعنى ..
الاطفال خارج المقارنه ..
لكن الكبار يتحاسبوا على كلامهم ..
انا من دون تحيز قابلت مطلقات ومطلقين .. حقيقى الكل يرمى السبب على الطرف الآخر انما الست تزيد فى مدح مآثرها وانها عملت وعملت لكنه هو ماعملش حاجه ..
طيب حااقولك حاجه ..
يمكن كل مجتمع له خصاله .. انما اكيد فيه خصال مشتركه علشان كده حااذكر لك هذا المثال ..
نفرض ان المرأه اخطأت فى امر ما وجاء زوجها يعنفها ويلومها لانها غلطانه بتقول ايه ..
فرضنا .. حتى لو انا غلطانه يعنى ما افتكرتليش غير الموضوع ده .. طب ما انا ياما عملت وعملت ..حط الحلوه جنب الوحشه وافتكرلى حاجه كويسه تشفعلى ..
تعالى بقى لما الراجل يغلط مراته تقوله ايه : انت طول عمرك كده ..دايما ظالم فاكر يوم ماعملت كذا ويوم ماعملت كذا ويوم ماعملت كذا ياخى ربنا على الظالم وحسبى الله ونعم الوكيل ولا يقول هو كما قالت هى ..
ده الفرق ..
ايه رأيك بقى ..