السلام عليكم ورحمة الله وبركاته
والله يا اخي موضوعك متشعب وهو ابدا مو عام هو خاص جدا لانك تجد بيت فيه الزوجة موظفة رتابة وتنضيف وذوق وترتيب بتندهش وقت تفوت ع البيت طبعا الاكل بتحضروا قبل بيوم بحيث لو اجت ع البيت بس تشعل الغاز تحت الطبخة نص ساعة وكل شي بيكون جاهز
وبيت ثاني الزوجة موظفة اذا فتت ع بيتها بتحس حالك بدك تهرب منو بأي طريقة لتخلص من وجع الراس يلي اجاك من هاد البيت الغير مرتب مطلقا
طبعا بنفس الوقت ستجد بيت لزوجة غير موظفة بنفس نظافة وترتيب بيت الموظفة الاولى
وستجد كذلك بيت لغير موظفة بنفس سوء منزل الموظفة الثانية
وبالتالي ستجد ذلك طبع ومن ثم تطبع يعني يكون لدى المرأة حافز فهي معروفة ببيت اهلها بالتنظيف والترتيب والعيلة كلها هيك وبتزيد عليها وقت تتزوج مشان تبقى بنفس مستوى نظافة اهلها وازود شوي
اما بالنسبة للماديات فربما موظفة مسرفة وربة منزل مقتصدة تعرف تدير شؤون بيتها وهنا لا يمكنك ان تحكم الا من خلال التجربة ربما موظفة بخيلة كل راتبها بالبنك وانت يلي لازم تصرف عليها وهكذا
اما بالنسبة للعمر فاعتبر نصيحتي لك كأن اختك هي التي تنصحك اياك والصغيرة اقصد من 18 واقل انت شخص متزوج ومطلق وبتعرف تماما معنى التفاهم وطريقة التعامل وحب ان تتناقش مع شخص واعي يفهم عليك حتى الكلام المبطن انا ارى الفتيات بعمر 18 واقل انهن لازلن مراهقات ولا يعتمد عليهن وصدقني ابدا ماهم عجينة رح تقدر تكيفها مثل ما تحب انت يلي رح تسايرها وتمشي وراها وتقول ظغيرة ولحتى تكبر ورح تدفع الثمن هذه نظرتي والله اولى واعلم واكيد لكل قاعدة شواذ
لذلك بعد كل ما اوردته في مداخلتي الغليظة ربما لا يمكنك ان تعرف ايها افضل الا اذا قررت مثلا تريد موظفة ومن ثم تضع النقاط على الحروف من اول مقابلة معها يعني يا بنت الناس انا اريد لموظفة لنساعد بعضنا على الحياة
(يعني لا تحطي فلوسك ببنك وتهلكيني بمصاريفك) وان كانت غير موظفة يا بنت الناس انا شخص راتبي يكفي للاساسيات في الحياة مو تطوشي راسي بدي وبدي وبعدها انت بتكون برأت زمتك امام الله انك ما ظلمتها وهي حرة عاد توافق عليك او لاء
والله يا اخي مع احترامي لسيادة المستشار انو المرأة بتفقد حيويتها بعمر 40 وما فوق فبقدر خبروا انو كتير من النساء تنجب اطفال وهي بعمر 45 ومافوق وعدا عن ذلك اذا انت مثلا عمرك 27 وتزوجت بنت 22 الفرق 5 سنين لما هي 45 انت 50 اذا هي رح تكون تعبت من مشاغل وتعب الحياة رح تكون انت تعبت اكتر واسأل الرجال بحق الذين فعلا يتحملون مسؤولية الرجل مو بيزتو الحمل ع المرأة وبيهربوا ورا انانيتهن واشباع رغباتن فقط دون الالتفات للاخرين (الزوجة والاولاد)
تقبل مروري اخي الكريم وارجو ان لا اكون ضيفة ثقيلة على موضوعك
اختكم في الله ينبوع العطاء

__________________
---